Home  |  Weather  |  Advertising  |  Classifieds  |  Subscription  |  Contact Us  |  About Us  |  Archives
Home|Weather|Advertising|Classifieds|Subscription|Contact Us|About Us|Archives

link exchange; in-house ad

Thursday, April 17, 2014

Liñguahen Chamorro

By JOHN S. DELROSARIO JR.
Special to the Saipan Tribune

Man-inkatga un` miyinariu ni mas modetnu na botin layag. Todu mapegaye batunis deste guinaifen mañglu, tinilaikan afnu yan mati, amanu `nai gaige boti gi halom tasi, yan otru siha infotmasion.

Dispues ha huñgog na guaha siña hana setbi pution siha gi lañget, i pilan yan pution, pañgpañg tasi, i mapagahes, yan guinaifen mañglu. Humanau para Guam ya mamaisen para umana fan mattu i tradisionat na kapitan tasi ginen Satawat.

Ha punu todu trastis yan makenarian botiña layag ya ha faisen i los prohimos para umasugun para iya Satawat. Taftaf gi chatagmag gi sigiente dia mapañgun i miyinariu ya mafanuegue na esta makomple tinago`ña. Mampos nina` matman ya ilelegña "Haf` taimanu este?"

Ineppe ni piluñg na kapitan: "Señor, hagas ha` i tanu mami guine". A`Saina! Huñgan, siña guaha siha modetnu na trastis ni tafa` usuta pago, lau I tradision natibu deste kuatro mit años antes trabiha i mas fitme yan asigurau gi todu manera.

* * *

Tumotohgi amiguhu gi plasan batkon aire giya Luta para u birague tatte Tinian. Estaba gi tatteña man-amiguña para Saipan. Ha sañgane na u pega katgan niha halum. Ha lie` un` kahita sumen makat. Ha suspecha na katnin binadu.

Ha sañgane i empleau batkon aire na u pegaye papet para Tinian. Man-annae` felisitasion ya kada unu kahulu gi batkon aire, separau. `Nai man-mattu Saipan i man-amiguña ti siña masoda` i kahitan binadu. Mañaleg sa` man-nina salakumba nu i amigun niha.

Man-hanau dispues para i Fiestan San Jose, Tinian. Gi uttimu haane, manañga estake taigue amigon niha gi gima. Man-hanau guatu ya todu katnen guaka, babue yan manog man-maumpañg para i puettu. `Nai mattu tatte i prohimu gi gima niha, ha lie` na taya sinaguaña i kahun ais (deep freezer). Chumaleg ya ilegña, "Tabla!"

* * *

Mampos bula tautau man-mamatai ya guaha nai fahalañg mapasalista haye para hulu yan papa. Finaisen si Lusifet as San Pedro na para u famahan makinan fax para u libianu chechu niha. Ilegña si Lusifet na mauleg lau taya salapeña.

Ilegña si SanPedro na para guiya u fahan i makinan fax lau solu prinimesague as Lusifet na para u inapase dispues. Tres mesis dispues, sige si San Pedro ha kobla si Lusifet ni kuentaña. Ni un` biahe `nai ineppe. Mapus papa` sasalaguan ya hasañgani si Lusifet na para u kineni para i kotte. Ilegña si Lusifet: Lau manu ni para un` fañgone abugau-mu?"

Back to top Email This Story Print This Story

 

Home | Weather | Advertising | Classifieds | Subscription | Contact Us | About Us | Archives
©2006 Saipan Tribune. All Rights Reserved

MORE Opinion