{"id":11893,"date":"2011-11-21T05:22:27","date_gmt":"2011-11-21T05:22:27","guid":{"rendered":"http:\/\/newspaper.ctsi-logistics.com\/?p=11893"},"modified":"2011-11-21T05:22:27","modified_gmt":"2011-11-21T05:22:27","slug":"sentadan-noche-buena-antes","status":"publish","type":"post","link":"https:\/\/www.saipantribune.com\/index.php\/sentadan-noche-buena-antes\/","title":{"rendered":"Sentadan Noche Buena Antes"},"content":{"rendered":"
By John S. DelRosario Jr.
\nContributing Author<\/div>\n

Esta ennau kase i mediu sisienta siha na sakan, i sentadan Noche Buena trabiha gaige gi man\u00f1ge na preniparan nana gi kusina mientras gaige i tropa gi misan gayu.<\/p>\n

Abundansia putahen prefektu sentadan natibu sa\u2019 lamegai ha\u2019 trabiha umususune i gualu guihe na tiempu. Tai malefaghu nu i sigiente siha na bokan Chamorro: Atulin atmayas, pinada\u2019 titiyas mai\u2019es, tininon fresku yan tinala\u2019 guihan yan katne; bu\u00f1elus dagu, kaddun manog fresku ni magolaye puntan kalamasa \u2019sino choda yan dagu; mutsiyas; b-steak Chamorro babue yan guaka; yan ka\u2019et pa\u00f1glau.<\/p>\n

Guaha lokue\u2019 kaddun ayuyu yan pa\u00f1glau; atmondigas; hinetnon babue; kaddiyu; saibog dagu, kamute, nika, gadu\u2019 yan choddan tanduke; tamales gisu; kelaguen tiau; fritadan babue, guaka yan chiba; eskabechi\u2019; charakiles; hinegsa\u2019 balensiana; ahu; atulin harina; buchibuchin papaya yan kalamasa; bukayu; apigigi\u2019; yan tamales mendioka, suni yan chodda. Ti todu este mangaige gi amotsan finagpo\u2019 misan gayu. Lau guiya este siha i sessu manmaprepara para i haanen gupot Noche Buena.<\/p>\n

Gi antigu na so\u00f1gso\u00f1g Chamorro, i familia ha pega bu\u00f1elus dagu gi kanastra gi papa\u2019 bintanan i gima\u2019 para uson i kumonduse i Ni\u00f1o para i gima\u2019 niha kon agradesimientu ni animon niha. Guaha ha\u2019 lokue\u2019 prumepara fina\u2019 amotsan taloane para i grupo. Sumen namagof na dina\u00f1a desde tutuhon preparasion ne\u00f1kanu\u2019 estake monhayan todus i che\u2019chu\u2019. Sen ma\u2019gas este na selebrasion yan kinahulu\u2019 i Saina gi haanen pasgua.<\/p>\n

Hu chage man-ayuda preparason ne\u00f1kanu gi halom man-amku\u2019. Magahet hu baba i tala\u00f1gahu pot para bai\u2019 eku\u00f1gog akunsehun ma\u00f1ainata, grasiosu siha na estorian niha, na\u2019an putahen ne\u00f1kanu, finu\u2019 Chamorro ni nuebu hu hu\u00f1gog tat kumu guahnon \u2019sino heddan. Yangin un\u2019 lelegua\u2019 i atuli ya tinanaho\u00f1g tineug\u2019\u00f1a, pues siempre guahnon i atuli–mi hanom ya ha nesessita mas minesklan harina. I man-amku\u2019 mamente atu\u00f1gu\u2019 niha ni heddan esta i chetnot\u00f1a–kume ileg\u00f1a ti amtiyun. Lau taya mas hu sen agradese i finu niha kumu mantoa\u2019 na manfifinu\u2019 Chamorro, i doblada yan sustansiau na akonsehu.<\/p>\n

****<\/p>\n

Mas ma-umenta i numeron linau guine gi alacha desde Fukushima, Japon; Okinawa, Indonesia, Turkey yan \u2019nos kuantos estadus giya Amerika. Este na ira kulan ha estototbayu\u2019 sa\u2019 gaige iya Marianas rinidonduye ni mafanana\u2019an Ring of Fire. Gaige tadu\u00f1g hoyun halom tasi gi papa\u2019 Guam, hayan iya Marianas hulu\u2019 esta Japon yan papa\u2019 esta iya Filipinas.<\/p>\n

Nachatsaga sa\u2019 \u2019nai mapa i ligan ka\u2019ka\u2019 halom tasi giya Indonesia, ayu chumoneg hinalom pipinu\u2019 na tasi ni dumestrosia un\u2019 lugat ya megai man-pininu\u2019. Yangin masusede ya mapa un\u2019 lugan kaka\u2019 tasi gi hayan iya Marianas, kau destrosiau para hita? Estague\u2019 un\u2019 asuntu ni debi tana\u2019 guaha preparasion pot siakassu na masusede.<\/p>\n

***<\/p>\n

I ekonomian enteru elmundu kulan inagoden kadena. Gigon basnag un\u2019 nasion, ha batsala papa\u2019 i otru siha na ekonomia. Pot essu na todu sumosoyu\u2019 nasion siha giya Uropa na u aregla pottanmonedan niha \u2019sino da\u00f1osu lokue\u2019 i pumalu siha na ekonomia.<\/p>\n

Iya Marianas ginen un\u2019 tiempu bibu makina\u00f1a. Lau \u2019nai ha disattende inapagat federat, ma-amot ni fuetsan immigrasion sin ditension. Desde 1976 ma-abisa iya Marianas na mampos bula empleau ginen hiyo\u00f1g ya yangin malago\u2019 na u sustene industrian magagu, pues debi i fakteria siha u emplea amanu i si\u00f1a na tautau tanu gi disiente na sueddu.<\/p>\n

Tinatiye este \u2019nai halagnos siha i mas man-da\u00f1kulu na kompanian Japon ya ha chule\u2019 huyo\u00f1g kase $5-7 biyon pesus ni hagas lumiliku\u2019 guine. Todu i dos masusede gi papa\u2019 administrasion Juan N. Babauta. Ya dispues gai lala\u2019et si pindehu suma\u00f1gan na mamauleg ha\u2019 i ekonomian iya Marianas. Guaha chicho\u00f1a mauleg pot para u tohne i ha yamag na ekonomia guine?<\/p>\n

****<\/p>\n

Guaha 54 mas na familia guine u fali\u00f1gu gima\u2019 niha gigon man-ma-amot ni NMHC. I pinadesen este siha na familia entre mantai che\u2019chu\u2019 \u2019sino manfinalulun ni ma-utot sueddon niha gi papa\u2019 mafanana\u2019an “austerity” \u2019nai ma-utot 16 oras ginen pagamienton niha. Este na pinadese fina\u00f1agun bahun ekonomia. I kuestion: Guaha fina\u2019 ausiliu ginen i man-ma\u2019gasta para u fan ma-ayuda este siha na tautuata? Na la aga\u00f1g sa\u2019 mampos oppan lai.<\/p>\n

****<\/p>\n

Yangin hayumu umeskapaye i asuntu pot apacha\u2019 sensiamu, ennau na che\u2019chu\u2019 tramposu siempre un\u2019 fina\u00f1ague dispues. Klaro i aplacha\u2019 sensiamu gi che\u2019chu\u2019 linahyan. Kinihahaye hau gi oppan na manera na ti listu hau man-ayuda gi hilu\u2019 dinanche, tunas yan gasga na manera soluke para un\u2019 ayudan maisa hau ginen minasahalom i otru ni un\u2019 sakrifisia. Haf\u2019 na ma\u2019a\u00f1au hau ni anine\u00f1gmu? Na ti pesasa anine\u00f1g todus gi kada minachom atdau?<\/p>\n","protected":false},"excerpt":{"rendered":"

By John S. DelRosario Jr. Contributing Author Esta ennau kase i mediu sisienta siha na…<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-11893","post","type-post","status-publish","format-standard","hentry","category-opinion"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/11893","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=11893"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/11893\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=11893"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=11893"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=11893"}],"curies":[{"name":"wp","href":"https:\/\/api.w.org\/{rel}","templated":true}]}}