Unu gi kuattru na priniponen para umasatba probleman fondun programan man-ritirau i para umapunu’ ayudu para i man-mala\u00f1gu yan mas man-na’mase’.<\/p>\n
Esta hu upus sasalaguan para bai’ ke komprende kau magahet i estorian gaseta. Rason? Hafa na para i mas man-namase’ linala’ niha para in’ itut ayudu ni maresisibe pagu? Anog klaru hafa na karetatibun tautau hamyu, parehu ha’ i membron i board programan man-ritirau yan konsuttadot miyu.<\/p>\n
Kau si\u00f1a in’ faisen ‘nos kuantos administrasion yan lehislatura tatte kau este na premiu sineda’ niha i para u fan masen punu’ i man-mala\u00f1gu? Kau justisia para i man-mala\u00f1gu na siha pagu para u kinatga malabidan niha gi ma’pos na trenta’i dos a\u00f1os? Kau este na prinipone solu nina’ si\u00f1an i programa yan offisiat publiku i para in’ \u00f1ikut haanen mas man-na’mase’?<\/p>\n
Megai gi entre man-mala\u00f1gu esta kulan man-masimientu tatautau niha kontra wheel chair, diariu. Megai lokue’ umususune dialysis tres biahe gi semana para u fan makula haga’ niha. Kumeke ileg\u00f1a este na kondision na matai re\u00f1ihion niha mina’ mana fan gagas haga’ niha ginen i makina.<\/p>\n
Dalai ya taiguenau he\u00f1un miyu i para i mas man-tai nina’ si\u00f1a finenina para in’ sen punu’ linala’ niha. Faisen ayu siha na gobietno yan lehislatura i fumata\u00f1gaye i apas kontribusion hafa mas gaige gi ma\u00f1gas chininan niha ke este na diskuidu i pumalolopu’ hit pagu. Lastima i promesan para uma-adelanta haanen i linahyan. Este pagu na sasalaguan guinifen miyu?<\/p>\n
[B]’Nai a\u00f1glu’ i tipu’ paraisu[\/B]<\/p>\n
I gaston utilidat, fuetsau ha huchum lamegai na pettan bisnis siha guine. I H-Mark uttimu humuchum-gue’ pot este dichu na rason. Ileleg\u00f1a na inipos guaguan i apas kandet na esta ti sinedegue’ mamatinas ganansia.<\/p>\n
Este na sentimentu ha ta’lon umeku (re-echo) finu’ otru siha man-lada\u00f1kulu na kometsiante ni dumi\u00f1gu tano’ta guine gi alacha. Yangin ni ganansia, tat bali\u00f1a sumaga yangin puru ha’ para huyu\u00f1g. Mas guaguan bumisnis guine giya Marianas!<\/p>\n
Este na chinatsaga, mampos ha estotbayu’ port rason na yangin taya’ adelanton i tetehnan na tropan kometsiante, pues a\u00f1goghu na mas kohu i kahan iya Marianas. Guse’\u00f1a fuetsau lamegai na empleau u fan madispacha ginen che’cu’ niha gi ti apmam yan pagu.<\/p>\n
I komunidan bisnis kulan makenaria yan haga’ i tanu’. Gigon fontun ya sumaunau ma\u00f1ufa’ matti\u00f1gan, pues ti chagu’ gi santatte ‘nai man-gaige hit mamifila para ta yoguan maisa hit gi kantit dibi. <\/p>\n
***<\/p>\n
[B]Atan ya un’ gef atan[\/B]<\/p>\n
I man-guelota tat mattiru ti masu\u00f1gon pot i manatatte na famaguon niha. Todu klasen minamahlau machah’lau dibuenamente. Lau ni unu man-isague pot man-gaige ha’ i pidasus niha gi santatte.<\/p>\n
Maseha mamoble, ni unu umatrebigue’ tumulaika i pisun onrau yan antau na tradision natibu. Todu i mas man-didog na chinatsaga masu\u00f1gun gi halom chubaskon linau yan dilubiun pineble. Ayu ha’ premiun niha i man-gaige hit guine pot ginen pinasensian yan mines\u00f1gon niha.<\/p>\n
Yangin un’ la\u00f1gag tumulaikan \u00f1aihon linala’ tradision tanu’ pot attifisiu yan ma’lag na guinife ni hagas ti hayuta, pues repite finu’ un’ kantata ni ilegna, “…lau ti si\u00f1a hu tulaika sa’ tat mas gefsaga, kumu ayu siha na islas i islas Marianas.”<\/p>\n
Gi finu’ un’ amku, “Esta listuyu’ humanau. Unu minagofhu i ni unu gi famaguonhu huna’ tekun pot malabidahu ti kombene”. Mauleg ta su\u00f1gun hafa guinahata sa’ bira birada guaha ha’ siempre mas antau na rinispueta gi halom maseha hafa na chubasku. <\/p>\n
***<\/p>\n
Puti finapos un’ poblen guma’ lau man-magof yan ma\u00f1gontentu ham gi todu mattiru ni in’fagchae’ mona. Taya’ yanu na plaset yan lamegai fina’ hagu’ gi tanu’ mamoble. Entre gualu, tasi yan tadu\u00f1g na halom tanu in’ bisita pot prebinsion familia.<\/p>\n
Man-eskuela ham antes sin school lunch program. Lokue’ in’ lachai gumulusune sin petmission tinanom estudiante siha fioles, tumates, abuchuelas yan otru siha fina’ golai. Kontodu asigan guaka in’ kanu’ kulan totchen golai ni in’ saulag ginen i hatdin estudiante. Daflogue, dispues na chadeg hau guatu i drinking fountain antes de mina’ dos na kampana. ***<\/p>\n
Ai, sali ham ni dumi\u00f1gu i gima’ an oga’an sin alimientu de man-\u00f1gaha’ hulu’ gi la\u00f1get. Dispues de eskuela yan doktrina, tulus hau para i gualu esta’i minachom atdau. Famokat tatte gi gima’ ya un’ alulaye tarehamu antes de sena, lisayu, yan estudiu. Lau ni unu sumeha ginen pinitsigen presisu siha na tinagu’ yan antau na finana’guen ma\u00f1ainan mame. <\/p>\n
***<\/p>\n
‘An chatagmag, inna’ masa i amotsa gi oran ‘las kuattro antes de oran misa gi hilu’ foggun hayu. De hemunos kau chata’an yan mama\u00f1glu, debi i amotsa u masa. Me’nan foggun hayu-yu’ ni makreansa ‘sino malulug muna’ masa sentadan familia. Man\u00f1ge na hinegsa i manalagun hilu’guafe. Buente ayu na sumen man\u00f1ge, todu nina’lagun nana. Ha payune uson guafe gi finatinas\u00f1a siha.<\/p>\n
***<\/p>\n
Megai gi entre man-chai idathu chumage la\u00f1an ‘an aflitu ni mana’ye gi hilu’ mamaipe na hinegsa’ yan dididi. soyu’. Hombre, bokan poble pot taya’ totche. Guaha na tiempu ‘nai hu imbelekeruye pot ginacha’ kulan hu ta\u00f1gan naihon pot para ‘bai na satisfechu paladathu. Paire na amotsa ke Breakfast of Champions! <\/p>\n
***<\/p>\n
Hu soda’ un pupue\u00f1ge i amku sumesena kihadas yan ilun un’ da\u00f1kulu na dofin ni mana’ masan masaha\u00f1g gi hilu foggun. Sumehayu lau dipsues hu chule’guan ni na’\u00f1a sa’ ai na pairen boka piot ya un’ totche gi fina deni ni esta malala’et ni pinika\u00f1a. Diberas, deste ayu na tiempu hu usune muna’ gasgas ilun dofin yan kachu’ sa’ paire na sentadan poble. <\/p>\n
***<\/p>\n
‘Nai macho’chu’yu’ antes gi Saipan Stevedore muna’ tunog kostat nobienta libra na simientu tula noche, sige hu adu’ kau guaha oran sena. Mattu dispues oran boka. Gi halom kusina, estaba dos kalahen kaddun tola\u00f1g guaka yan man-da\u00f1kulu siha na pidasu.<\/p>\n
Pot primet biahe ‘nai hulie’ man-da\u00f1kulu na pidason tola\u00f1g man-makadon machaleg ‘sino sa\u00f1karon. Ileg\u00f1a un’ amku’ na para bai’ fanhakot ‘sino dimalasyu. Ensegidas hu chule’ patteghu ya sumuhayu. Hu birayu’ para bai’ fa\u00f1ule’ talu lau esta fondun satten ha’. Ha aga\u00f1gyu otru amku’ para bai’ chule’ sebla\u00f1a. Haf’ na sentadan tiempon Samson. <\/p>\n
***<\/p>\n
Man\u00f1ge’ magahet sentadan natibu lau mi-sustansia tat kumu mantika yan esta fafa’et ni kantidan asiga. Guaha lokue’ na mamames pot inipos ayinomoto’. Para un’ si\u00f1a chumochu’ bokan natibu debi un’ makalamya yan lokue’ mu\u00f1ga ma-ambentuye sa’ hagu ha’ dada’da’. Gigon un’ daflogue i kaddon tola\u00f1g, mauleg\u00f1a chamu a’asun gi menan television sa’ haf’ siempre na mapotge babuen Buninas hau dispues de un’ mes. <\/p>\n
***<\/p>\n
Gi lanchon Tagpochau, in’ kreni kase dose ni man-mamigan na uma\u00f1g da\u00f1kulu. In’ tinu ya in’fa’ totchen taloane. Paire na boka hombre hana’ fan losus ham todu gi halom tinanom sunen bisaya. Adahe na losus, hombre tautau mona’ sinigun ni estotbun lanan abune.<\/p>\n","protected":false},"excerpt":{"rendered":"
Unu gi kuattru na priniponen para umasatba probleman fondun programan man-ritirau i para umapunu’ ayudu para i man-mala\u00f1gu yan mas man-na’mase’.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-154828","post","type-post","status-publish","format-standard","hentry","category-local-news"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/154828","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=154828"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/154828\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=154828"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=154828"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=154828"}],"curies":[{"name":"wp","href":"https:\/\/api.w.org\/{rel}","templated":true}]}}