Guaha man-sustansiau siha na asuntu ‘nai ta diskuida hit gi mapos na trenta a\u00f1os. Buente ti tana’ presisu ‘sino guaha otru asuntu siha tumane’ hit. Lau gaige na ta kuestiotiona pagu hafa na ti si\u00f1a ta dispone lau hagas fi\u00f1kas Marianas.<\/p>\n
Pot ihemplo i guihan yan mina siha gi halom tasi: Si\u00f1a guaha kampu gi bandan guihan lau todu negosiu yan otru nasion pot makone’ i man-lalauya siha na guihan debi u iniluye nu i federat. ‘Nai mattu gi mina, tat kumu la\u00f1a, si\u00f1a ha’ man-ma\u00f1age hit lau i federat due\u00f1u nu i maseha hafa na fina’ mina gi halom 200 miyas na tasin Marianas.<\/p>\n
Todu si\u00f1a ta sodae’ lehitimu rason hafa na debi hita tafan due\u00f1u nu i guihan yan mina gi halom tasin Marianas. Lau areglon minan tasi gaige este gi responsablidat federat, ahe’ ti iya Marianas. Kontodu Hawaii, California, Oregon yan Washington na estados siha, i federat due\u00f1u ni minan niha. Estadu siha lokue’ gi sanhaya gi kanton tasi man-gaige gi papa’ federat.<\/p>\n
Man-diskuidau hit nu este na asuntu. Lastima, sa’ guaha kampu para ta petsige gumu’ot man-due\u00f1u ni minan tasita esta i Matsu 1987. Guiya este na sakan ‘nai umefektibu lai federat pot disposision todu mina gi halom 200 miyas na tasi gi papa’ bandera\u00f1a. Ni hafa ta chogue pagu, mampos man-atrasau hit tumuka i asuntu ‘nai esta masimientu gi hechuran lai federat.<\/p>\n
***<\/p>\n
Gi fina’ kanta mamaisen i prohimu man-ma\u00f1ge i Chamorro. Ha faisen todus na u bira siha tatte pot para uma-abiba i kutturan natibu. Ti baba na finaisen lau guaha motibu na manhanau lamegai na tautauta para America. I Chamorro ni malulug tradision yan kutura ti u malefa amanu i chalan i gima’. Gaige este na sensia giya hita sa’ todu lastrota man-ma-imprinta gi inai este siha na islas.<\/p>\n
Lau ‘nai taya appottunidat chochu’ para mantension familia, siempre u tulus siha para otru lugat ‘nai si\u00f1a man-la’la’ disiente. Dispues buente ‘an todu man-felis edukasion famaguon niha ‘nai ha tutuhon humassu para u bira siha tatte gi gima’. Megai dumi\u00f1gu i tanu’ pot este na chinatsaga. Ti isau niha i man-hanau sa’ ennau uttimu suspirus para i los prohimos gi todu animon niha manman-aligau disiente na mantension familia. I paraisun natibu mama’ sasalaguan. <\/p>\n
***<\/p>\n
Megai sumosoyu’ presetbasion kuttura kulan mohon kineni’ atulai ni si\u00f1a ta asne ya ta sahguan halom gi taru. Estague’ sumen lache na sineyu’ yan hinassu. I puntu i para tana’ la’la’ hafa kutturata yan tradision natibu. I sasyan i usun li\u00f1guahe diariu ginen halom guma’ huyo\u00f1g. Sin este, puru hit ha’ fabulus de chispas kulan mohon nuebu na hugete.<\/p>\n
Hafa minapot\u00f1a para un’ finu’ Chamorruye famaguonmu desde ke ma\u00f1gahulu’ an’ oga’an esta’i oran deskansu ‘an pupue\u00f1ge? Kumu saina, guaha problemamu umusa i mismu hila’mu? Kau este na sessu hit man-finu Chamorro-I\u00f1glis, tat kumu, “they taguing me to bring more…” ‘sino, “play on this side because if the kareta comes and chiniget you, hekua’ tihu tu\u00f1gu”.<\/p>\n
Suheta usun dos hula’ gi ma-abiban li\u00f1guahe yan tradision natibu. Pega mona i primet pasumu ya un’ saunau umabiba sinsiyu i sessu ta letke–usun li\u00f1guahe diariu. Yangin si\u00f1a este ta usa diariu yan famaguonta, pues ti presisu un’ manadan konfirensia pot kuttura sa’ gaige na manhale’ fime gi diariu na usun hila natibu. Estague’ satbasionta kumu Chamorro. Estague’ uttimu atmas natibu gi ma-abiban kuttura\u00f1a yan tradision.<\/p>\n
***<\/p>\n
Mampos taya’ pinasensia gi hafa presisu para ta petsige pot adelanton linala’ linahyan. Memegai\u00f1a ‘nai man-mefnu hit sin sustansia. Dispues, ta dispacha i asuntu ma\u00f1gontentu. Kulan pasaheru ni para u fan malag San Roque. Todu man-listu man-hanau lau todu lokue’ ma\u00f1aunau gi ma-aligau yaben kareta. \u00a0Lau hagas ha’ i yabe gi saga\u00f1a. De dios mihu. <\/p>\n
***<\/p>\n
Rason na hu sen fama offisiun maestro yan lancheru sa’ kada unu mamatinas planun aksion. I maestro ha pega papa’ planun un’ semana desde kuentas, social studies, science yan English. Dispues hana’ guaha sensura pot para u atan kuantu gi estudiante\u00f1a kumomprende i finanague\u00f1a. Ha ebalua ayu na estudiante\u00f1a i man-dispasiu gi leksion niha. Ha chage umayudaye pot para u fan gigigu yan i pumalu.<\/p>\n
I lancheru, ha pega papa’ todu planon hafa para u tanom. Desde lugat ni para umana’ gasga, aladu, yan ma-abonuye, mangaige este gi planu\u00f1a. Ginen i mapos na sakan ‘nai halie’ hafa gi tinanom\u00f1a fahna, hafa dispasiu, yan taimanu ‘nai para u asegura na mamatinasgue’ mas ganansia na sakan. Desde apas hutnaleros, abonu, simiya, sisteman irrigation (hanom), todu monhayan esta ha katkula. Kontodu i kinalamten klima gaige ennau gi hinasso\u00f1a. Mauleg tafan eyag manman-planu maseha pot satbasionta mismu. <\/p>\n
Hafa benefisio\u00f1a i un’ planea maseha un’ dia gi haanimu? Da\u00f1kulu na difirensia yan ayu i kiinibrutru na kinalamten gi haane. Siempre gi minachom atdao un’ lie’ hafa siha un’ komple yan hafa mas presisu para un’ chogue gi sigiente dia. <\/p>\n
***<\/p>\n
Si Moises ha esgaihon tautau\u00f1a gi halom fotten ha’ilas, maipe, taya’ hanom ni ne\u00f1kano’ lau ti ha abandona tautau\u00f1a. Dispues de hana fan safu ‘nai magacha’ i edda’ iya Jordan, ha birague’ talu tatte giya Ehiptu para u kone’ i tetehnan. Gi halom un’ sapet, ha komple matago’\u00f1a esta’i uttuimu. Guaha gi halom man-ma’gasta gai sensia taiguine?<\/p>\n","protected":false},"excerpt":{"rendered":"
Guaha man-sustansiau siha na asuntu ‘nai ta diskuida hit gi mapos na trenta a\u00f1os. Buente ti tana’ presisu ‘sino guaha otru asuntu siha tumane’ hit. Lau gaige na ta kuestiotiona pagu hafa na ti si\u00f1a ta dispone lau hagas fi\u00f1kas Marianas.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-156442","post","type-post","status-publish","format-standard","hentry","category-local-news"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/156442","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=156442"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/156442\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=156442"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=156442"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=156442"}],"curies":[{"name":"wp","href":"https:\/\/api.w.org\/{rel}","templated":true}]}}