Bien biahe para i amiguhu as Se\u00f1or Isaac M. Calvo ni ma-a`ga\u00f1g para i tai hinekog na deskanso\u00f1a gi mapos na semana. Apmam de ha apagaye yan umuma i achon edukasion famaguon-ta gi satton na inesgaihon pot preparasion niha.<\/p>\n
Hu sen agradese i tiempu `nai sessu in` diskute antes asunto-ta siha. Edukau, ansianu, tomtum yan menhalom na prohimu kumu maestro yan administradot sisteman edukasion iya Marianas pot apmam na tiempu.<\/p>\n
Guiya yan i defuntu Jesus M. Concepcion umesgaihon todu kinalamten adelanton kualidat edukasion estudiante-ta siha guine gi eskuelan publiku. Ma-aguanta todu sakrifisiu para umamueba edukasion yan preparasion famaguon Marianas. Da\u00f1kulu na pasu mahagu` mona gi bandan edukasion ni ti megai si\u00f1a umada\u00f1gua. Ma`ug na lastru ha pega gi santatte para todu.<\/p>\n
I kualidat Se\u00f1or Calvo `nos kuantos ha` man-mana`e gi halom man-ma`gas iya Marianas deste antes. Fitme, menhalom, ansianu, yan antau na administradot sisteman edukasion parehu ha` gi halom pagyu yan katma. Ha uma-kilu`os\u00f1a sin ditension deste tutuhon esta`i uttimu.<\/p>\n
Ginen i inestablesen niha pisun sisteman edukasion guine na ha muebague` mas fitme na finana`gue siha gi eskuelan publiku. Ti apasiyon mines\u00f1gon-mu yan sakrifisio-mu Se\u00f1or Calvo ya un` mirese dignu na onru ginen todus tautau iya Marianas. I defuntu para uma-interu giya Oregon.<\/p>\n
Si Yuus Maase` lokue` ni sumen antau yan agradesiyon na amista. I tinayuyot mame. Bien felis gi kareramu. Bendision i Saina para hagu yan familiamu.<\/p>\n
Tiempon Estudiu
\nMientras tantos, guaha kampu sumeha pot para ta atan finaposta yan para manu hit gi ge`fena. Hu\u00f1gan, guaha siha nuebu na propositu para hotels lau ma`tut ha` guine na prinipone.<\/p>\n
Man-halom, mahatsa hotel niha, machule` kakatnen ganansia ya mana` hanau tatte gi tanu` niha. I tetehnan na po\u00f1gpu\u00f1g `sino soblante para hita.<\/p>\n
Kuestion: Kau este na modun bisnis propiu gi ma-adelantan linala` natibu? Hafa petmanente piniga\u00f1a mauleg para i tautau tanu`? `An ha kaikai` siha, mabende gi otru i hotel sa` naho\u00f1g ganansian niha. Hafa para hita ni natibu? Haf` ya ma-abandona i hotel petmanente?<\/p>\n
Seriosu na attikulu ni mauleg ta tutuhon umestudiaye deste pa`gu. Mu\u00f1ga mana\u00f1ga na estake umali\u00f1gki\u00f1g `nai para tafan e`ensinahyao otru katsu!<\/p>\n
Lina`la` Isla
\nGi tiempoghu delegadon Marianas gi South Pacific Commission (Community), hu bisita siha islas gi sanlichan na patte giya Pasifiku. Man-independente na islas maseha kulan man-popble yangin ta pesa kontra modun linala`ta.<\/p>\n
Ayu `nai hu chage tininun niyog kumu agu`un yan tininun guihan. Pot primet biahe lokue` hu chage tamales niyog. Magahet na tat ti si\u00f1a `nai mattu i asuntu gi satbasion familia `sino komunida. Hu atan i membron ayu na isla ni man-estaba guihe na talo`ane. Man-magof gumachu\u00f1ge i delegadu siha. Metgot i sensian inafamauleg yan ayudu ginen siha.<\/p>\n
Taya` kandet elektrisida ya i muna` ma`lag i lugat puru guafen achon gi oriya. Mafattu gi hinasoghu kau guiya este na modun linala` i antigun na komunidan Chamorro.<\/p>\n
`Nai mattuyu` tatte gi hotel, hu gimine sitbesa kulan para bai` libetteyu` haf` pa`gu hulili`e gi modun linala` un` grupon tautau isla. Man-magof, ma\u00f1gontentu, metgot sensian koperasion gi entlu` niha, todu pot todu man-a`ayuda sinsiyu ginen korason niha.<\/p>\n
Todu i mabenefisia guihe na talo`ane ginen hatdin familia yan tasi. Ti man-li`eyu` `an baban lateria sa` todu sahguan ne\u00f1gkanu` ginen hagu sune yan matufog hagun niyog. Mampos hana` humiddeyu` i modun linala` niha. Ayu i tautau niha ni malili`e siuda `an man-hanau man-eskuela giya New Zealand, Australia yan London.<\/p>\n
Todu nesessidat yan usun familia mafattu ginen i tanu` yan tasin niha. Kontodu kantan niha bonito gi suenan pue\u00f1ge. Diberas motmut pas yan safu na lugat para todus. Tatnai mahuchom gima` `sino maguaddia boten niha. Esta pa`gu hafa totoigue-yu` ayu na litratu i esta pa`gu lokue` ti si\u00f1a hu komprende!<\/p>\n
Pa\u00f1gpa\u00f1g uchan
\nSinparat na granum uchan sige man-baila gi hilu` sin. Gaige fina` ma\u00f1glu` gi hayan Marianas sige ha falague i filan o`perlas guine. I famaguon eskuela siha man-madispacha mediu dia.<\/p>\n
I tinanom gi hatdin man-podu\u00f1g papan niha buente pot tula noche man-masmai gi halom uchan. Lokue`, todu kinalamten mas dispasiu.<\/p>\n
Estague` na ha`ane `nai makakadu i poya `sino mana`lagu i katdun sankaron. Mas dinanche `an guaha puntan kalamasa `sino chodan galayan. Pa`gu `an un` totpe katdun guihan ni malechen niyog pues kase hinegsa` `sino saibog amariyu na chodan long pat saibog sune aya\u00f1a. Mas paire `an guaha motsiyas.<\/p>\n
Magahet na esta hana` misen tela`hu i asnen tukun ni mafugu`e lemon kanu`un ni mana` pikaka. Entre ennau pat kelaguen tiau, atulai, manini\u00f1g pat satmonitiyun. Katkuet kelaguen siempre unina` masahalom ilumu. Dinanche lokue` `an guaha atulin te`ug. `An losus hau dispues dispensayun sa` tiempo\u00f1a!<\/p>\n
Mauleg lokue` na deskansu para i amku` man-limiendan talaya `sino chenchulu. I peskadot yan lancheru man-deskansa lokue`. Gi todu hinanau guaha mas inadahe pot no u guaha disgrasiau. `An hagas malulog hau na hereru, dinanche sa` fresku i ha`ane.<\/p>\n
Dispues de todu, taya` otru kalalamten fuera ke podu\u00f1g uchan ginen i sin kusina. Ma\u00f1ge` na sunidu para man-rikohen mugu`.<\/p>\n
Estrakadan Politika
\nHu e`eku\u00f1gog i kuattro na kandidatun gobietnu hafa sessu malagnos kumu planu. Dos mofo`na mientras i dos gaige ha` trabiha gi kuatton gera.<\/p>\n
I republican esta `nos kuantos biahe ha atisa haf` intensiona. Gi mismu tiempu anog na kulan taigue i guafe gi papa` tiya\u00f1a ni tampoku tesun.<\/p>\n
I democrats duru bumaila. Esta ume`ensinahyau guatu gi papa` tro\u00f1ku pot mampos megai palapan kanai gi aire. Magahet na animu bumaila modetnu ke sakudidan fayao.<\/p>\n
I otru dos kandidatu (independence) man-e`egga` ginen bintanan kusina haf` na mampos buruka i oriyan niha. Trabiha ti man-hahalom gi plaset feria.<\/p>\n
Lau para todu estrakada, este na botasion gaige gi estomagun i tautau kontra guaguan kandet, hinemlu`, apas hospitat, yan gastun lina`la` ni rumibaha mampos fuetsan monedan familia. Makat na kontrariu para i kabayeros siha.<\/p>\n
Mientras tantos, i democrats yan dos independence man-tutuhu` te`la` niha ni monedan republican ni machuchuda`. Era ti matu\u00f1gu` ma\u00f1ganta sunidun atdau (sunshine). Dios mihu!<\/p>\n","protected":false},"excerpt":{"rendered":"
Bien biahe para i amiguhu as Se\u00f1or Isaac M. Calvo ni ma-a`ga\u00f1g para i tai…<\/p>\n","protected":false},"author":7,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[195,386,165],"class_list":["post-181460","post","type-post","status-publish","format-standard","hentry","category-opinion","tag-australia","tag-london","tag-new-zealand"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/181460","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/7"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=181460"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/181460\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=181460"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=181460"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=181460"}],"curies":[{"name":"wp","href":"https:\/\/api.w.org\/{rel}","templated":true}]}}