Diariamiente manhanau gi bisnes-ta man-ensinahyau gi inaligau mantension familia gi halom katotse (14) a\u00f1os na mattirun eskases. Inipos popble kinalamten i tanu`. Kumeke fama` rekueddon Republican Party gi tautau-ta i sumasapet hit pa`gu.<\/p>\n
Ya yahu humu\u00f1gog haf` para ineppen niha gi hu apupunta huyu\u00f1g na pinadese. Inipos oppan punta pot punta guine siha na perlas.<\/p>\n
Yangin guaha diskuidu, pues todu che`chu` miyu guahlu (would fail) `nai los uttimu i tautau ti si\u00f1a ma-aguanta (endure) i didog na pinadese. `An mattu gi este na eskalera pues siempre u fina\u00f1agu ti ma\u00f1gombene siha na aksion ginen i publiku! Gaige i katgu gi apaga` miyu.<\/p>\n
Hu suspepecha na este na pinadese maplanuye para umana` popble i tanu `nai todu u fan mamadese. Ginen este na pinadese fuetsau siempre makonduse i industrian casino halom. Inipos na disonru i para umana` fan tekun i publiku pot planon casino. Este ha` solu uttimu nina` si\u00f1an niha `nai uttimo\u00f1a siha i benefisiu ya i publiku po\u00f1gpu\u00f1g `ansopbla gi hilu` satge?<\/p>\n
Dispues de fuetsau mana` popble i tanu`, sige pa`gu ma\u00f1guentos na mampos didog probleman pinepble guine. Ke lau hamyu manresponsable ni futtunan i tautau. Kau guaha mas dinage dispues de todu malabidan miyu? Hamyu umesague i publiku gi hilu` miserapble na modun lina`la` ya para in` sasa\u00f1gan kondision ni hamyu umafuetsas gi tautau siha?<\/p>\n
Gi hilu` este na insuttu, manmalefa na pot katotse (14) a\u00f1os taya` adelantu gi linala` familia siha. Mientras tantu todu gastu deste hinemlu` yan fektos siha sige manpakpak kuetis hulu` gi mapagahes kulan tiempon feria! Lau, manmalag un` banda ya ma\u00f1guentos (speech) na popble i tanu`.<\/p>\n
Haf` defekto\u00f1a este na ma\u00f1an manma`gas? Dudayu` kau gueku (empty) na speech si\u00f1a umaregla diskuidon niha. Lau metgot lokue` sentimientoghu na i publiku ha sentu\u00f1gu` haf` asunto\u00f1a. `An ma`hu i tautau, ni kuanto na speech pot hanom ti sinetta ma`hu estake unna` gimen! Ti mapot este na kuentas ya diariu masusesede.<\/p>\n
Sahyan Esperansa
\nHu pokate tatte finapos-ta 37 a\u00f1os deste ke manhalom hit petmaniente gi papa` un` relasion yan Estados Unidos De America. Guaha manmauleg na tinilaika siha. Guaha lokue` manhinegse diskuidu. Unu hu a`atan na debi ta aregla prontu: ma-abiban kuttura yan tradision tanu`. Presisu na ta pa\u00f1gon tatte i hagas a\u00f1goghuyon na sahyan natibu.<\/p>\n
I kutturata i solu sahyan esperansa gi futtunan tautau-ta. Tumestitigu deste antigu na tiempu yan pa`gu na siglu na fitme este na sahyan gi todu halom mattiru. Ginen este na galaide` `nai tasoda` adumididi` hinago\u00f1g-ta. Sige pa`gu ta kuestiotiona haf` masusesede gi hegsu` I Deni`? Kau sige ta`lu manlosus i mansabiun Best Sunshine?<\/p>\n
Ti mana mapot ni mansabiu numa`en \u00f1aihon i sagradu na naftan antigu na ma\u00f1aina-ta pot casino. Ta dopbla este na insuttu `nai ha emplea tautau-ta mismu para u fan mamana`gue responsablidat sudadanu. Na ti hagas sahyan kuttura yan tradision solu kompas `nai man-eyag hit echu che`chu` tautau?<\/p>\n
Diberas! Kau tulaikayon dignun yan integredat natibu pot guaguan na sueddu yan sineyu` lache na pinetsige? Finu` man-amku` \u201cfan egaga`\u201d ya in` atan haf` dichu dignun yan integredat natibu!<\/p>\n
Destrosiun Linala`ta
\nOppan yan plantau didog na chetnot yan che`chu` destrosiu siha kinikilili` halom gi komunida maseha manu `nai ma-establese casino. Deste mamunu`, amot binenu (drugs) ni mana` fan imbeninau i manhoben, che`chu putaria yan destrosiun uttimu guinahan familia ma\u00f1asaunau gi papa yan dadalag este na modun industria.<\/p>\n
Silensiu manhalom este siha na destrosiu kulan finatton afnu` tasi, adumididi` sige` ha` bumula i tasi esta`i kanton unai. Gi bandan publiku, siempre u hatme salan yan apusientun familia siha. Huli`e` este siha na chinatsaga entalu` Los Angeles, Las Vegas, Reno, yan Atlantic City. `Nos kuantos sahyan (bus) `nai manunog i manginen Las Vegas. Kanton chalan `nai manmata`cho\u00f1g sa` kontodu guma` niha ma-apostan \u00f1aihon.<\/p>\n
Hu konsidedera gi biradahu haf` mohon na tinituhon guaha gi halom ayu na batkada. Ni un` sen gi betsan niha. Mantai gima`, sahyan pat salape` para siha mismu. Malachai ma-apostan \u00f1aihon kontodu rilos yan otru siha alahas gi tatautau niha. Tai bali tinayuyothu sa` ti ufan inayuda gi mismu diskuidon niha. Estague` na da\u00f1o manfina\u00f1agu gi komunida ni umatrebi siha chumansa kosas familia gi lugat casino.<\/p>\n
Deste antes hu atan i difirensia giya guahu kumu danderu gi bonitun hotel yan i fina` fanlihe\u00f1g ni ma-ekstende gi gima` i amku` `nai pa`gu umasaguayu`. Dios tiampare na difirensia macarpet i satgen hotel. I lugathu kontodu halom ba\u00f1u fache`. `An uchan, duru lokue`uchan i halom sala. Dios tiampare!<\/p>\n
Hu\u00f1gan guaha siha fumatinas manmauleg kinalamten niha ginen sensian animu gi kada pasu. Lau mayotmiente manchatsaga gi halom tautau-ta pa`gu. Estague` na tropa i mampos hana` chatsaga si\u00f1ienteghu. Si\u00f1a mohon tana` fan da\u00f1a` hinassota yan fuetsata tumutuhon ayudu para i mayotmiente guine?<\/p>\n","protected":false},"excerpt":{"rendered":"
Diariamiente manhanau gi bisnes-ta man-ensinahyau gi inaligau mantension familia gi halom katotse (14) a\u00f1os na…<\/p>\n","protected":false},"author":7,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[256,8271,304,8272],"class_list":["post-214883","post","type-post","status-publish","format-standard","hentry","category-opinion","tag-casino","tag-diberas-kau","tag-las-vegas","tag-sahyan-esperansa"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/214883","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/7"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=214883"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/214883\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=214883"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=214883"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=214883"}],"curies":[{"name":"wp","href":"https:\/\/api.w.org\/{rel}","templated":true}]}}