{"id":23059,"date":"2012-07-02T07:25:37","date_gmt":"2012-07-02T07:25:37","guid":{"rendered":"http:\/\/newspaper.ctsi-logistics.com\/?p=23059"},"modified":"2012-07-02T07:25:37","modified_gmt":"2012-07-02T07:25:37","slug":"dibinan-manehante","status":"publish","type":"post","link":"https:\/\/www.saipantribune.com\/index.php\/dibinan-manehante\/","title":{"rendered":"Dibinan Manehante"},"content":{"rendered":"
Sige lahihu ha pache fotgun unai i hinatsasa\u00f1a fina\u2019 guma gi kantun tasi. Mientras tantos, hu ebalulua kau fitme ya ti umayamag `an monhayan.<\/div>\n

Dispues de a\u00f1glu\u2019, kau u madisgrana yan manu gi halom granun unai finenina para u muebague\u2019? Kau u batsala papa\u2019 i pumalu? Yangin hu\u2019 kula todu i inai ya unna\u2019 fan parehu minedu\u00f1g niha, kau u sustene tumachu ya ti u machalapun papa\u2019? Bula kuestion ni ti opiyun.<\/p>\n

I puntu: Todu ta petsige piot \u2019nai sumasaunau ha\u2019anen linahyan, debi u guaha listu na planu pot siakassu na madisgrana i asuntu ni ta petsisige. Dibinan manehante i asuntu ni debi ta atetuye sinparat para minauleg i linahyan piot gi halom ira \u2019sino mattirun naturat pat diskuiduta mismu.<\/p>\n

Hu tuka este na attikulu pot hu lie\u2019 na mampos matman i manehanten gobietnamentu guine. Ni unu malagu\u2019 mumueba kala\u00f1ke\u2019\u00f1a pot no buente u odda\u2019. Entre ennau \u2019sino mampos nina\u2019 fan disgnau ni te\u2019ug na asuntun linahyan siha na esta nina\u2019 fan udu, bachet yan ta\u00f1ga.<\/p>\n

Gi hilu\u2019 gueku yan oppan na taya\u2019 animu para uma-adelanta i ha\u2019anen i tautau siha gi se\u00f1gso\u00f1g, guaha mas para in\u2019 atrebi prumisenta gi batbaru na ma\u00f1an kabron yan muron na biahe? Kau magahet na man-tai haga\u2019 matan miyu para in\u2019 dage i publiku ta\u2019lu? Adahe na hame ni publiku dispues bai\u2019n pada\u2019 pechun mame mea culpa pot yine\u2019ase\u2019 gi man-tai balin miyu? De dios!<\/p>\n

—<\/p>\n

Mas didog mamamaila\u2019 <\/strong><\/p>\n

Klaru na man-apalo\u2019pu\u2019 siha sustansiau na asuntun linahyan ni muna\u2019 litiku kinalamten operasion gobietnamentu guine.<\/p>\n

Mientras gaston nesessidat publiku sige hulu\u2019, pinata\u00f1g \u2019nai sige lokue\u2019 man-mahuchum i bisnis siha. Este na chinatsaga fuetsau ha utut i kantidan rinikohen kontribusion tax. \u2019Nai ma\u2019tut i kontribusion tax, mas menos na fondu gi kaha para apas sueddu yan setbisiun publiku siha.<\/p>\n

Este na chinatsaga umafagcha\u2019 yan i mamamaila\u2019 na mattirun basnag ekonomian i mas da\u00f1kulu gi tanu\u2019, iya Uropa. Ya ti umah\u00f1au na este na pesti todu siempre u affekta kontodu hita guine. Estague\u2019 un\u2019 silensiu na milag lagu\u2019 botkan ni tat ti u so\u00f1ge sa\u2019 esta sige mage.<\/p>\n

—<\/p>\n

Fondun Retirau <\/strong><\/p>\n

Tat nasion maseha sumen da\u00f1kulu fuetsan ekonomia\u00f1a ti nina\u2019 matompu\u2019 ni obligasion fondu para i man-retirau. Deste America, nasion Uropa siha, Japon yan otru lugat siha sige ma-estudiaye taimanu \u2019nai para u kontinua este na setbisiu. Ayu mas ma-konsidedera i man-amku\u2019 ni numessesita ayudun hinemlu\u2019.<\/p>\n

Hita lokue\u2019 guine ti man-soplu hit ginen dibinan este na obligasion. Debi u fan ma-apase i man-retirau. Lau ginen manu mage ennau na fondu? Gi mismu tiempu, kau guaha tetehnan dispues de ma-apase i man-retirau para usun hinemlu\u2019, edukasion yan otru siha presisu na setbisiun publiku? Estague \u2019nai gaige i mamakat\u00f1a i kuestion. Lau na ti guaha man-offrese “better times” guine gi alacha?<\/p>\n

—<\/p>\n

Eskatminan Silensiu <\/strong><\/p>\n

Estague\u2019 un\u2019 sumen bonitu na sunidu piot ya ginacha\u2019 hau mamatmos gi halom masgu\u2019 lago\u2019mu sa\u2019 para un\u2019 dinispacha as neni. I tunada paire finapos\u00f1a, kontodu palabras\u00f1a. Satton na finaisen gi nobia para un\u2019 ninae\u2019 ni dos patman kanai\u00f1a. I problema: si\u00f1aha\u2019 ninae\u2019 hau \u2019sino ha \u00f1ega enteramente finaisesen-mu.<\/p>\n

Chamu hinahala\u00f1g. Sige ha\u2019 chumukan i uttimu na diniseha ginen i korasonmu. Pasensiaye si neni gi hilu\u2019 kari\u00f1osu na iniga puede guaha kampu gi mames na koraso\u00f1a para un\u2019 ineppe prontu hafa un\u2019 diseseha. Siempre u fattu ennau na respuestasion, kau hu\u00f1gan pat ahe\u2019. Lau siempre u fattu antes de mina\u2019 tres na minachum atdau.<\/p>\n

Pot chaleg: Hana\u2019 hahassuyu\u2019 este na kanta \u2019nai man-mayute\u2019 i lalahen Saipan gi sisienta siha na sakan ni nobian niha pot mantai botas (boots) Beatles. Man-madalalag i boys ginen Guam. Ai, man-mayute gi un\u2019 banda pot botas kukunitus I\u00f1glatera. Ni pumadan Menuma\u2019 ti ginana tatte sensian neni. Sali ham ha\u2019 dispues de ma\u00f1ganta “Hard Days Night” para bai\u2019n lasa mamahlau mame pinadesen botas. Ai dios mihu na putin chetnot!<\/p>\n

By John S. DelRosario Jr.
\nContributing Author<\/p>\n","protected":false},"excerpt":{"rendered":"

Sige lahihu ha pache fotgun unai i hinatsasa\u00f1a fina\u2019 guma gi kantun tasi. Mientras tantos,…<\/p>\n","protected":false},"author":18,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[51],"class_list":["post-23059","post","type-post","status-publish","format-standard","hentry","category-opinion","tag-guam"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/23059","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/18"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=23059"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/23059\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=23059"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=23059"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=23059"}],"curies":[{"name":"wp","href":"https:\/\/api.w.org\/{rel}","templated":true}]}}