Hu akanteha haf` na sapet mafafana` ni 15-mit na empleau guine ni gumagana suetdun popble espesiatmente kualidat linala` familian niha.<\/p>\n
Namanman sa` dispues de 40 a\u00f1us gagaige ha` este na sapet gi halum guma` familia: suetdun popble! Manu `nai masge` pinetsigen miyu sumatba este na sapet? <\/p>\n
Kau ma\u00f1asaunau hamyu man-mamogsai nu este na chinatsaga para u guaha eskusun miyu otru pasadu na offresimientu? Kuarenta a\u00f1us na diskuidu! Ha fa\u00f1agu nuebu na kuttura: diskuidu!<\/p>\n
Gaige i chinatsaga (dispues de apas guma` yan karetan familia) gi ti nahu\u00f1g salape` gi monedan familia para otru siha nesessidat famaguon. Inklusu guine magagu, doga, trastes eskuela yan otru prisisu.<\/p>\n
Estague` i te`ug na pinadese gi halum 15-mit na familia ni gumagana suetdun popble. Diariu este na sapet. Un` sinparat na atburotu gi ma\u00f1aina yan fuetsau na chinatsaga gi famaguon. Gi uttimu todu i dos mansinapet pot ti sufisiente salape gi monedan familia.<\/p>\n
I kutturan ina`yuda tumampe pinadesen megai gi tautau-ta mina` ti anog. Haf` mohon? Na ti este i fitme na pisu gi kuttura-ta i ina`ayuda?<\/p>\n
Haf` gaige gi hinassun miyu (kumu manma-elihe) satbasion este na sapet gi halum guma` familia? Na ti este solu primera na obligasion miyu?<\/p>\n
`Sino guaha `nai mandana` hamyu para `in tampa satbasion adelantu gi kualidat linala` familia ni `in represesenta? Hu atisa i asuntu pot klaru na megai na familia pumadedese diskuidun hegsu` I Deni`.<\/p>\n
I federal minimum wage ennau i $7.50 gi ora. Kase i \u201cliving wage\u201d ti mas de menus ke $15 gi ora. La da\u00f1kulu na obligasion. Si\u00f1a mohon?<\/p>\n
Manu? I suetdun popble sapet para megai na familia guine. Megai\u00f1a sumu\u00f1gun i kondision `nai man-mapega siha pot taya` mas si\u00f1a machogue. Hamyu ni offisiat `nai gaige este na obligasion. <\/p>\n
Hamyu fumatinas promesan adelantun kualidat na linala` para familian tautau-ta. Si\u00f1a `in apunta haf` `in chegue guine gi alacha para `in cheneg este na asuntu mona?<\/p>\n
Magahet na taya `in kemple gi 40 an\u00fcs na tiempu para `in adelanta suetdun empleau siha guine? Trabiha i asuntu gaige gi minimum wage. Mas la fotte na obligasion yangin i publiku ha choneg apas \u201cliving wage\u201d.<\/p>\n
Ineppe: Haf` lini`e miyu propiu sahyan para `in satba i suetdun popble gi 15-mit na familia siha ni `in represesenta? Ni kuantu na speech ni gueku ti `in satba I asuntu sin fotmat na planu.<\/p>\n
Debi u guaha inali`e manma-elihe `nai guaha sattun na diniseha tumamtam taimanu este na sapet masatba sin ditension. Prisisu na `inna` guaha mafotma planu guine na puntu. Planu este na attikulu ha nesessita pot gai mutmorasion.<\/p>\n
Pot ihemplo: Haf` este na asuntu ha nesessita para u fan gama todu i boti gi halum safu na puettu? Magahet na tatnai `in atan este na puntu?<\/p>\n
Pipinu`: Suetdun popble gi 15-mit na empleau destrosiu gi ha`anen familian niha. Diariu mafana` ti nahu\u00f1g kopble gi monedan familia espesiatmente para nesessidat famaguon. Makat gi dos saina `nai mattu papa` gi nesessidat magagu, doga, yan otru prisisu para i famaguon niha.<\/p>\n
Malofan-yu` guine na katsada gi hiniben-hu mina` hu dimemoria te`ug na pinadesen un` popble na guma` familia. Kuantu biahe humanau-yu` para eskuela yan hanum grifu gi estomagu-hu. Dispues, ti hinalulula-yu` tatte para amotsan talo`ane sa` taya` para bai`n kanu`.<\/p>\n
I manma-elihe estague` na puntu gi todu asuntu guine debi fuetsau `in atan pot fotmat na satbasion. Nesessidat familia `nai si\u00f1a magosa kualidat na linala`. Mit grasias para i ma\u00f1aina-hu ni fumanu`e ham na debi bai`n fachuchu`e todu nesessidat mame. <\/p>\n
Poresu na `in usune maseha haf` na cho`chu` guihe na tiempu kontodu tres dias manman-uma kestat simientu gi Saipan Stevedoring. Finapus popble! <\/p>\n
Ti mamahlau-yu` pot hu gana tres pesus gi dia pot nesessidat. Lau banidosyu` sa` ti ma\u00f1ake-yu` kosas tautau para benefisiog-hu. Magahet na tat che`lu ti muna`e animu gi halum mattirun miserapble na pinepble! Agradesimientu gi Saina pot todu i tiempu kulan guiya umesgaihon ham gi halum te`ug na mattirun pinepble.<\/p>\n
Kilu`us: Un` kantan relihion ha mensiona pot chagu` hogsu` `nai gaige un` kilu`us se\u00f1at sinetsut yan pininite. I pumokate ya mattu guihe na hogsu` ha gu`ot i tro\u00f1kun i kilu`us. Tiha sotta `sino di\u00f1gu estake ha siente na ma-echague` bendision ginen fuetsan ayu na kilu`us.<\/p>\n
Gi todu finapos-ta mauleg ta asegura na gaige a\u00f1klan espirituat gi saga\u00f1a diariamente. Estague` umasegura na ti u lauya botimu gi halum napun mattirun asunto-ta siha gi ha`anita.<\/p>\n","protected":false},"excerpt":{"rendered":"
Hu akanteha haf` na sapet mafafana` ni 15-mit na empleau guine ni gumagana suetdun popble…<\/p>\n","protected":false},"author":7,"featured_media":291940,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-291939","post","type-post","status-publish","format-standard","has-post-thumbnail","hentry","category-opinion"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/291939","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/7"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=291939"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/291939\/revisions"}],"wp:featuredmedia":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/media\/291940"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=291939"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=291939"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=291939"}],"curies":[{"name":"wp","href":"https:\/\/api.w.org\/{rel}","templated":true}]}}