`Nai man-para i DB yan DC na membron programan ritirau ni umo`odas pagamienton i presente na man-ritirau, mas homhum i mapagahes piot gi finatton 2018 na sakan. Gi Oktubre na mes problema ta`lu pagamienton man-ritirau sa` ha nesessita $27 miyon pesus fuera de para uma`apse ginen fi\u00f1kas casino.<\/p>\n
Gigon hokog magastan tetenan na salape` i fondu, magpu` lokue` pagamientu petmanente. Ni kuantu na dobladan ayau ti satbayun este na problema `nai taya` fitme katsu para u kontinuague` i programa. Da\u00f1kulu na obligasion kontribusion hinemlu` yan pagamientun man-ritirau fumufu\u00f1ot i gobietnon iya Marianas.<\/p>\n
Ni kuantu lokue` na keha gi kotte tai bali `nai esta atalag i mala\u00f1gu na fondu. Estague` i klaru yan kabales estau i programan man-ritirau. Mauleg ta ketu\u00f1gu` haf` ineppen todu kandidatu pot este na asuntu. Debi u guaha ineppe piot ayu i umatrebi siha man-malagu!<\/p>\n
Estorian apacha` yan o`dut<\/strong><\/p>\n In` hassu estorian un` apacha` yan i edut? Era, gi tiempun abundansia sige hana`e animu i edut man-rikohe mantension ya ha pega gi halom fina` liya\u00f1g. Diariu machogue este para u guaha mantension niha gi tiempun matklima.<\/p>\n I apacha` yan i banidosu\u00f1a sige gumupu. Tat ti ha dispetdisia sa` geppan ya todu ha hagu`. Chumochu gi katkuet lugat dispues ha yute` sepbla\u00f1a. I edut ha kanu haf` nesessidat\u00f1a ya ha pega i tetehnan gi fina` fan-atuka\u00f1a.<\/p>\n Mattu un` destrosiau na pagyu. Tres dias finuegu i tanu` ni fette na ma\u00f1glu yan uchan. Todu tinanom nina` fan gagalileg. Kontodu famastuyan yan tupuyan nina` fan rata. Sige i apacha` umesuette boka lau ni hafa sineda`\u00f1a. I edut kontentu chumochu gi halom liya\u00f1g\u00f1a gi hagas ha famauleg na mantension mattiempu.<\/p>\n Animosu i man-antigu na ma\u00f1ainata gi finana`guen inadahe yan pine`lu para usun mattiempu. Ala kuenta, leksion na debi tana` fan humidde hit ya ta fachuchu`e kontiempu nesessidat-ta taimanu i animosu na odut. Mu\u00f1ga despetdisiun dididi` na guinaha-ta.<\/p>\n Dottrinan Famaguonta<\/strong><\/p>\n I famaguonta man-hahanau man-dottrina dispues de finagpu` eskuela. Ennau na matutuhon man-mafana`gue pot tradision relihon Katoliku. Este na ineyag humala halom i patgon man-hassu haf` che`chu` tautau gi prohimu\u00f1a.<\/p>\n Kumu saina, mauleg bes enkuandu in` konbetsiasune famaguon miyu haf` ineyag niha. Ginen ennau na konbetsasion `nai si\u00f1a in` esgaihon mona mas mitme na kinemprende pot sustansian lai, hine\u00f1gge yan grasia.<\/p>\n Ala kuenta, i ineyag niha relihion i mas fitme na a\u00f1kla gi linala` niha. Yangin fitme mapega\u00f1a ennau na a\u00f1kla pues tihu mafondu gi halom napu. Siempre u eyag kumapitane galaide`\u00f1a dispues de ha di\u00f1gu pettan i gima` `nai esta echu tautau.<\/p>\n Sensian hinimidde<\/strong><\/p>\n Ti hu tu\u00f1gu` ayu na amku` as Tun Tomas \u201cTagalu\u201d soluke `nai oppan na`a\u00f1a na ha gana un` button santos ya hahatsaye kapiya gi fihon gima`\u00f1a. Ha adotna tinanom flores ya diariu i familia\u00f1a munagasgas halom yan hiyu\u00f1g kapiya.<\/p>\n Ti tatkilu` offisio\u00f1a gi gobietnu soluke katpenteru. Lau tatnai fatta sumugu` gi kapiya manayuyot antes de hinanau lemlem tautau `sino oran deskansu. Haf` i motibu na hu fafama este na amku`? <\/p>\n Mauleg kasse kada patriakan yan matriatkan familia u fan da\u00f1a` gi fina` nobena maseha pot para u fan mafanague famaguon tinituhon gi adelantun linala` niha espirituat. Gigon un` tanum ennau na ma\u00f1a giya siha, libianu mapesa gi konsensian niha che`chu` kabales na kilisyanu.<\/p>\n Ha komprende dispues sustansian lai, hine\u00f1gge yan grasia. Gigon manhale` este pues esta ti nachatsaga `an sige mona umeyag mamatinas disision pot guiya mismu. I ineyag niha siha mismu umakonduse mona gi famaguon niha mismu.<\/p>\n Siha este siha na famaguon i man-lachog ma`lag na flores gi hatdin korasonta ni animu tafachuchu`e pot para u fan fitme kareran niha mona.<\/p>\n Pagamientu pa`gu, agupa\u2026?<\/strong><\/p>\n Siempre u huyu\u00f1g manana`lun ma-utut na 25 pot sientu gi pagamientun man-ritirau. Ti gratis i mamamaila` soluke para unana`lu i Gobietnu Eulogio S. Inos i ha utut deste mapos na sakan gi mes Oktubre.<\/p>\n I mafitma na tinilaika gi lai hana` guahaye $30 miyon pesus ginen haye na applikante ma`ayeg para u opera bisnis casino guine giya Saipan. I kuenta para pa`gu na sakan ennau i $25 miyon pesus. Man-suette hit na biahe lau puru dinimalas deste otru sakan sa` hokog fondu para nesessidat man-retirau. `An man-\u00f1gaha hit hulu` na biahe kasse seguru na ma\u00f1gonfotme dispues na debi u guaha dos na lisensia kosake si\u00f1a ta laime i otru applikante.<\/p>\n `Nai hu tataitai i disision kotte (settlement agreement) ma-estira apas gobietnu para pagamientun man-ritirau dies a\u00f1os na tiempu. I tutat tinaho\u00f1g\u00f1a ennau i $360 miyon pesus. Entre mas ma-utut sueddon man-ritirau `sino man-adespidu hit adios gi lemlem tautau.<\/p>\n Yangin u suha i tutat na pagamientun man-ritirau gi ekonomian Marianas, mas u chafleg i kaha gi maprebeniyen este yan otru siha man-presisu na setbisiun publiku. Tantu de ta bailaye siempre u kahulu` otru sakan ya u bailaye hit sin ditension.<\/p>\n I nesessidat pagamientu estake umadispone i uttimu na ritirau gaige gi $791 miyon pesus. Dudayu` kau u sige mona i programa dispues de sakan 2018. Siempre man-asaluda hit \u201cadios my file\u00f1ge!\u201d<\/p>\n","protected":false},"excerpt":{"rendered":" `Nai man-para i DB yan DC na membron programan ritirau ni umo`odas pagamienton i presente…<\/p>\n","protected":false},"author":7,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[256],"class_list":["post-41627","post","type-post","status-publish","format-standard","hentry","category-opinion","tag-casino"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/41627","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/7"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=41627"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/41627\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=41627"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=41627"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=41627"}],"curies":[{"name":"wp","href":"https:\/\/api.w.org\/{rel}","templated":true}]}}