{"id":44185,"date":"2014-08-05T04:00:58","date_gmt":"2014-08-04T18:00:58","guid":{"rendered":"http:\/\/www.saipantribune.com\/?p=44185"},"modified":"2014-08-05T04:00:58","modified_gmt":"2014-08-04T18:00:58","slug":"tinilaikan-linalata","status":"publish","type":"post","link":"https:\/\/www.saipantribune.com\/index.php\/tinilaikan-linalata\/","title":{"rendered":"Tinilaikan Linala`ta"},"content":{"rendered":"

Dos modetnu na kosas siempre u tulaika da\u00f1kulu kinalamten familia siha: ipad yan iphone. Mangaige todu gi dos makina deste dos saina yan famaguon niha. Mientras duru gi makina todu man-udu `nai ma`tut konbetsasion saina yan patgon.<\/p>\n

Todu ha hatme katkuet eskaleran linala`ta. `An makombida hau para fina` gupot kada ratu un` rikonose iyomu iphone. Gi gima` todu biradamu gaige matamu gi ipad. I famaguon lokue` sige manhugandu huegu gi dos makina.<\/p>\n

Este na makina si\u00f1a un` taitai gaseta, email yan otru siha materiat mientras tantos. Lau ti si\u00f1a ha analisa haf` na klasen tautau gaige gi me`namu. Kumeke ileghu, makina ayu mina` ti si\u00f1a man-hassu. Gaige manhassu giya hagu. Mauleg na makinan modetnu piot gi estudiun famaguon. Lau hagu ni saina debi un` manda usu\u00f1a diariamente.<\/p>\n

Gi maseha haf` taimanu, debi tana` guaha inatu\u00f1gu` halom familia haf` propiu eksision kinalamten familia. Deste adelantun espirituat, leksion dos saina, areglon halom guma`, yan otru siha che`chu` familia debi ta impatta fitme gi man-gada` na famaguonta.<\/p>\n

Halom sirenu<\/strong>
\nGi taftaf `an oga`an sessu te\u00f1ga mamokatyu` gi oriyan guma pot para bai` nafotgun ade\u00f1ghu ni chiop sirenu. Fresko na hanom ni malagnos gi finatton sirenu gi chagchag chatagmag. Hu li`e finato\u00f1a pot `nos kuantos besis. Tat tiha hatme kontodu halom kusinan sanhiyu\u00f1g.<\/p>\n

Dispues de lemlem tautau, adumididi` umanog ta`lu. Ha kana` \u00f1aihongue` esta i chatagmag. Finalagu\u00f1a inakompapa\u00f1a un` likidu na buruka kulan mohon machalapon napun dikiki` gi chepchop tasi gi halom katma.<\/p>\n

I chiop mali\u00f1gu dispues de muma`lag i atdau. Estaya man-mirese i tinanom kontodu hagun cha`guan. Mauleg na ayudu gi tiempon fa\u00f1omnagan. Kulan hanom uttimu suspiros ni kumatga nesessidat man-kimasson siha na tinanom hatdin gima`ta yan fangualu`an.<\/p>\n

Katman laguna<\/strong>
\n`Nai un` tiempu sessuyu` tumekin, guaha `nai man-deskansa ham yan i tropa gi kanton tasi. Gi hinanau uttimu ininan kalulot atdau kulan la\u00f1a i tasi.<\/p>\n

`In lili`e ha` ginen i inai kinalamten guihan siha. Sessu i tarakitu `sino taraketiyun umesuette guihan man-dikiki`. I talayeru sige kumahat umesuette ginen sagun tiau `sino ma\u00f1ahag.<\/p>\n

Magahet na taya` parehu\u00f1a fresko na kineni` guihan deste dikiki` esta medianu. Gi katkuet preparasion paire na plantada. Pa`gu `an ginacha hau suette ha\u00f1gun yan tataga` ni kineni` pue\u00f1ge pues kasse sumen lamlam sikosmu dispues de un` kalamot pattemu.<\/p>\n

Guaha lokue` man-amku` isla `nai mapega gi fina` batde i guihan tulanoche. Gigon gumai pau ensegidas makaddun niyog. Diberas ya un` litiye finadeni` dinanche ya un` tetti hinegsa` ni kaddu esta pagpagpag sekosmu umusune pot no un` madi\u00f1gu. Lau sumen nama`aggem i katman tasi gi laguna piot `an un` bisita pot para un` disimula hinassomu.<\/p>\n

Che`chu` gualu<\/strong>
\nDeste finatton mame halom gi gualu`, in` tutuhon umutot, dumesmonta yan humale` man-lodu` ta\u00f1ganta\u00f1gan. Todo dia este na cho`chu` esta i lemlem tautau.<\/p>\n

I sigiente uttimon semana, in` tutuhon kumuha i\u00f1gleran kamute. I oriya inna` ma\u00f1a\u00f1a para sune, mendioka yan otru siha agu`on tat kumu nika yan dagu. Mientras tantos, in` apprubecha sinetnen hagas choda ni in` traidute ni latan satdinas tumates yan tininon sumen mantika na abunenman-bakalu na uma\u00f1g.<\/p>\n

Mattu gi makat na tiru lau ni unu sumeha muna` gasgas. Tres mesis dispues in` li`e ma\u00f1echefla tinanom mame. In` tife` hagas tinanom kafe ya in` tala`. In` testa yan gileg para gimen amotsan oga`an yan mirienda. Magahet na fotte na kafe na esta hana` pisadidiya-yu` `an pue\u00f1ge.<\/p>\n

Dispues man-\u00f1gayu ham para i feggun i gima`. Inna` fa\u00f1ochu i pinegsai antes de in` tilus ham para Chalan Kanoa. Ai na ma\u00f1ge` yayas sa` gigon chetton tatalo`mu gi katre, losus hau sin ditension. Hana` fan figu` ham i che`chu` gualu. Basta ke puru lalahe i man-amku` giya hame tat che`chu` palao`an ti in` ti\u00f1gu solu mandiskatga neni. Lau mauleg na kreansa para hame deste muna`lagu, mamagase magagu, man-inkola, atbidon, yan prensa. <\/p>\n

—<\/p>\n

Gigon man-espiga i mai`es gupot sa` kada unu yan tininu\u00f1a. Tinatiye este na ma\u00f1ufan, tala` yan eskome. Dispues, saunau manguleg yan mamada` titiyas. Tat cho`chu` ti hafanue` ham si nanan mame. Ti in` ti\u00f1gu` che`lun palao`an sa` puru ham ha` toru. <\/p>\n

—<\/p>\n

Hu gef agradese finapos tinanom siha gi gualu` deste inasahan choda, sakan sune, kamute, dagu, nika, mai`es, golai, yan kalamasa. Paire magahet atmayas yan atulin kalamasa. I sinen agaga` tiha nesessita totche sa` naho\u00f1g ha` ni guiya namaisa. <\/p>\n

`An tiempon lemai, tat bisinu ti inatileg fasu\u00f1a piot ya finagcha`e matife` esta amaririyu na lemai ni da\u00f1kulu. Dios mihu ya matunu dispues malomug ya malechen niyog. Para hafa totche! Magpu i nobena! Paire sentadan antes. <\/p>\n

—<\/p>\n

Megai gi hagas tradision tanu` tat kumu gumualu` appenas na tiempu. Mas da\u00f1kulu hatdin todu modun tinilaika ni mauleg ta gef atan kau benefisiosu para i tradision tanu` yan familia. Gaige este na asuntu gi patman kanai miyu.<\/p>\n","protected":false},"excerpt":{"rendered":"

Dos modetnu na kosas siempre u tulaika da\u00f1kulu kinalamten familia siha: ipad yan iphone. Mangaige…<\/p>\n","protected":false},"author":7,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-44185","post","type-post","status-publish","format-standard","hentry","category-opinion"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/44185","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/7"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=44185"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/44185\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=44185"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=44185"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=44185"}],"curies":[{"name":"wp","href":"https:\/\/api.w.org\/{rel}","templated":true}]}}