Guine gi mapos na Huebes (Haanen Thanksgiving), hu rikonose entero strechon kanton unai gi sanmena na patte guine para baiho lie` kao machuchuda` magof na espiriton hinalom i haanen gupot siha.<\/p>\n
Menos de si\u00f1ko na familia man-estaba manmanununo gi kanton tase. Los dimas, taya` taotao gi memegai\u00f1a na patte gi kanton tase. Hu konsidedera kao mangaige gi fina` lanchon familia `nai maselelebra i Haanen Thanksgiving. Buente.<\/p>\n
I sagan chumochu siha (restaurant) ti megai lokue` taotao. `Nos kuantos kareta manestaba, otro se\u00f1at na komprendiyon osino umaya yan i baban kinalamten ekonomia guine. Puro este siha keha gi hafa sesso pinadesen i publiko ni sige pago umafulo` yan kondision tiempon hai`las.<\/p>\n
Hana` tristeyo` este siha na se\u00f1at sa` hu komprendo kabales hafa pinadesen taotao gi oran chinatsaga. Malago ha` hit gumastaye i hinalom haanen gupot siha, lao taya` salape` gi halom pottamonedata para ennao na diniseha. Mauleg na intension pot dina\u00f1a familia, lao ti sinede nu i gueko na kahan familia. Memegai\u00f1a umusune hafa guaha gi kahon ais box.<\/p>\n
Mampos hana` chatsaga si\u00f1ientegho i presente na sichuasion sa` hu komprende kabales na trabiha ti mafatto este sulon ekonomia gi fondu. Siempre mas ha aminasa hit este na karera entre pago yan uttimon i otro sakan. Mas baba siempre kinalamten ekonomia. Enfin, mu\u00f1ga hit sumede na u tomba hit dibadde este na sago. Falulon ma\u00f1gas chininan miyo sa` oran ma\u00f1ufa` pago pot satbasionta mismo.<\/p>\n
\t\t\t\t\t\u2022\u2022\u2022<\/p>\n
Sige i lahiho chumaleg `nai hu esplikakaye hafa sustansia\u00f1a Thanksgiving Day `nai papatgonyo`. Era hu sasa\u00f1gan na i mas paire na pabo ni sumaguane estomaguho, solu i latan saddinas ni in` daflogue yan hinegsa mamaipe guihe siha na tiempo. Ayo uttimo tini\u00f1go`ho pot pabo i gaige gi papet ni guaho mismo yumu\u00f1ga` komo estudianten elementario.<\/p>\n
Ti hu chage este na ne\u00f1kano` esta i 1970 osino dos a\u00f1os dispues de magraduayo` gi high school. Konsidera dose a\u00f1os ni hu yu\u00f1ga` este na gaga` ya ni un` biahe `nai hu kano` sa` ti hala\u00f1gag i ma\u00f1ainaho fumahan. Lao, todo mangacho\u00f1gho humo\u00f1ge na chumochoyo` pabo gi pai\u00f1ge. Lao hu aksepta komo linala` un` patgon poble ya lamegai fumaposgue lokue` este na pasu.<\/p>\n
\t\t\t\t\t\u2022\u2022\u2022<\/p>\n
Este i inatulaikan regalo (Christmas presents) un` biahe ha` `nai hanae`yo` sinanaho gi un` nochebuena: Un` meyas apaka` ni maraya agaga` yan atilu\u00f1g. Finenina yan uttimo regalo rinisibiho gi todo linala`ho. Piot `nai guiya este na meyas sumen paire gi tiempon medio sisienta na sakan yan i Beatles. Dios miho, esta hu u`utot kasunesho para baiho fatta na gai meyasyo` lokue` ni paire. Chetton este na regalon nanaho giya guaho na esta pago meyas apaka` hu u`usa achogha` fotmat i okasion. `Nai mafaisenyo` hafa na taiguine bisiogho, ilegho “Guaho la`mon!”<\/p>\n
\t\t\t\t\t\u2022\u2022\u2022<\/p>\n
I pa\u00f1gpa\u00f1g sunidon haanen gupot siha, ha papa\u00f1gon man-namahala\u00f1g na memorias siha gi ayo na tiempo `nai ma\u00f1gababales i familia siha. Masimiento i dina\u00f1a familia. Lao `nai taigue esta i dos haligen familia, atutuhon adumididi` mapla` este na pogse`.<\/p>\n
Mabira ya kada uno ha petsige lokue` dina\u00f1a familia\u00f1a mismo. I dina\u00f1a ma\u00f1elo, mas menos yan achago`. Esta kada uno pumetsige interes familia\u00f1a mismo. Sige umafulo`yo` yan este na tinilaika. Lao un` pasu na buente kada familia siempre u padese gi karera mona. Lao ta diseseha mohon na u guaha pinasensia yan satton na inapinitiye gi entalo` todos maseha esta taigue i hagas fitme na haligen yan achon familiata. Si Yuus Maase` yan ghilisow!<\/p>\n","protected":false},"excerpt":{"rendered":"
Guine gi mapos na Huebes (Haanen Thanksgiving), hu rikonose entero strechon kanton unai gi sanmena na patte guine para baiho lie` kao machuchuda` magof na espiriton hinalom i haanen gupot siha.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-44619","post","type-post","status-publish","format-standard","hentry","category-local-news"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/44619","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=44619"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/44619\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=44619"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=44619"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=44619"}],"curies":[{"name":"wp","href":"https:\/\/api.w.org\/{rel}","templated":true}]}}