Manhuyo\u00f1g hit ginen mapos na sakan, mankahaga`, piliao, yan palada\u00f1g ginen todo i mattiro `nai manmatompo` hit ginen un` fotte na sago ni mampos da\u00f1osu. Buente pot ti ta has\u00f1gon, ma\u00f1aonao hit umabiba i chinatsaga sa` manbulachon \u00f1aihon hinasota hafa propio para ta petsige gi halom este na chubasko.<\/p>\n
Yangin guaha ti minagofmo osino chatkomprendemo asunton linahyan, pega ennao gi un` banda ya un` tutuhon de nuebo kosake si\u00f1a un` seden maisa hao lumie` klaro entero litrato `nai manotohge i taotaota ni un` represesenta. Este na sineyo` hu gagagao ginen manma`gasta gi todo atmos banda, praibet, gobietno yan lehislatura.<\/p>\n
Didog na asunton linahyan ta fafana` piot pago na sakan. Yangin ti ta usa i maug` na sensian kooperasion gi satbasion problemata siha, hita ha` gi uttimo besis para u hogse todo chatdisision kabesanten gobietno yan bisnis. Pot este na rason na debi u guaha sensian pinasensia yan gineftao pot para u guaha appottunidatta umaregla haanen i taotaota siha guine na islas.<\/p>\n
Manho\u00f1ggeyo` gi ayo na fino` kuentos: “Todo baba na tinutuhon, pues baba lokue` uttimo\u00f1a”. Maila` ta asegura na mauleg tutuhonta gi hinalom este na sakan. I punto ni obligao ta aregla gaige gi dos patman kanaita. Todos hit tumu\u00f1go` hafa este siha na problema. Pago i tiempo ni debi tana` fan da\u00f1a hinassota kosake u si\u00f1a mas libiano i para ta petsige na checho` linahyan.<\/p>\n
I chalan madibide gi talo`. Uno para guato, i otro para mage. I ta diseseha i para ta pula` i ginaddon siha gi hechuran lai ni promohibe adelanto gi bandan ekonomia. Sin kontribusion i komunidan bisnis, mas siempre i fondun publiko kasko. Yangin ti ta aregla pago, uttimo\u00f1a hokog para apas setbision publiko ni ta nanae` i taotaota pago. Na fan ma`agim korason miyo ya ta chogue hafa propio yan antao kosake ti tana` fan chatsaga mas i taotaota. Si Yuus Maase`.<\/p>\n
Ma`ase` sa` bara\u00f1ka i karera<\/p>\n
Kustumbren natibo i para tana` fan geftao hit gi manchatsaga na ma\u00f1eluta osino bisinuta. Yangin guaha namo dos latan satdinas asaite, mu\u00f1ga mana\u00f1ga na estake magagao hao `nai para un` ayuda i prohimuno. Nae` ensegidas gigon bi\u00f1gbi\u00f1g na guaha chinatsaga\u00f1a.<\/p>\n
Yangin un` fafana` un` asunto ni ti un` tu\u00f1go` hafa sustansia\u00f1a, famaisen kosake ti un` fababan maisa hao hafa sesso i madiskukute. Gi fino` defunto Jess Mafnas, “Munga mafa` un` tu\u00f1go` i ti un` tu\u00f1go`,” piot ya hago mismo un` tu\u00f1go` ha` na ti un` tu\u00f1go`, lao sige ha` un` atrebe na hu\u00f1gan un` tu\u00f1go`. Chaba` i sensian professot kariso.<\/p>\n
Pago i tiempo `nai debi u guaha mas satton na inadahe gi todo gaston gobietno. Mu\u00f1ga mafatta ma\u00f1an “ke sera, sera” sa` hombre los probes hagas lokue` man-\u00f1gaha` hulo` gi hegso` i Deni man-e`echocho` pot nesessidat familian niha. Yangin ti preparao hao sumaonao man-adahe, pues nama`agim korasonmo ya un` sede i otro nu ennao na prebilehio.<\/p>\n
Yangin guaha un` balestrerekes kasao (palaoan) gi halom offisinamo pot hago i ma`gas, na` para ennao na bisio ya un` fan respeta sa` dudayo` kao un` la\u00f1gag yangin machogue hao nu i mismo checho konkabido gi asaguamo. Todo i tiyamo, chamo chochogue gi otro. Tinago` i Saina este, ahe` ti tinago`ho.<\/p>\n
Esta ha` i linala`ta naturat komplikao. Para hafa na un` fan espiha mas problemamo. Sige para i Gima` Yuus` ya un` fangagao para satbasionmo mismo ya mu\u00f1ga mana\u00f1ga mangagao asi`i` `nai chachafleg hao gi katremo. Gi todo pot todo, na fitme pinekatmo puede ti un` lotgun sin presiso gi hoyun sinetsot atrasao. Mampos bara\u00f1ka i chalan, ayo mina` debi un` adahen maisa hao mismo. Si Yuus Maase` yan puede bien felis karerata na sakan.<\/p>\n","protected":false},"excerpt":{"rendered":"
Manhuyo\u00f1g hit ginen mapos na sakan, mankahaga`, piliao, yan palada\u00f1g ginen todo i mattiro `nai manmatompo` hit ginen un` fotte na sago ni mampos da\u00f1osu. Buente pot ti ta has\u00f1gon, ma\u00f1aonao hit umabiba i chinatsaga sa` manbulachon \u00f1aihon hinasota hafa propio para ta petsige gi halom este na chubasko.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-45034","post","type-post","status-publish","format-standard","hentry","category-local-news"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/45034","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=45034"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/45034\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=45034"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=45034"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=45034"}],"curies":[{"name":"wp","href":"https:\/\/api.w.org\/{rel}","templated":true}]}}