Kada chatagmag, hu baba i internet ya hu tutuhon tumaita hafa siha manmasusesede gi entero elmundo, espesiatmente pot asunton ekonomian Japon. Rason na sesso hu estudia hafa kinalamteten\u00f1a Japon sa` memegai\u00f1a gi kinalamten bisnis osino ekonomia guine gi tano`ta ginen Japon.<\/p>\n
Esta fufugoyo` yangin manaitayo` gaseta na guaha dididi` adelanto gi ekonomia\u00f1a. Lao tinatitiye este na gaseta nu i fotmat na inanalisan estudiao na ekonomista `nai ha sasa\u00f1gan na hu\u00f1gan homlo` Japon, lao kikidi munalo tatte taimano estao\u00f1a antes de u sinaulag un` fotte na sago deste tres a\u00f1os malofan.<\/p>\n
Gi mismo tiempo malagnos un` anunsio ginen Continental Airlines na para u utot i uttimo na setbisio\u00f1a gi ti apmam yan pago. Este na mensahe mampos na` triste sa` kumeke ileg\u00f1a na si\u00f1a ha` mas talo mafondu i industrian turista guine. Mansuette hit dididi` sa` i Japan Airlines yan otro siha kompanian batkon aire manboluntario kumatso este na chinatsaga para i hinalom haanen gupot siha giya Marianas. Lao dispues de este na sakrifisio, i asunto siempre tafana` talo gi hilo` esperansa na puede guaha otro kompanian batkon aire para u tinahgue i Continental Airlines.<\/p>\n
Lokue`, buente pot mampos hit manespantao, tatutuhon umaminasa i paska na asunton ekonomiata gi ma-apprueban areglo yan lai siha ni ti manpresiso. Enlugat de u fino mas mona i ma-intended na areglo, mas inkabukao ya esta umarambabao i asunton linahyan pot ekonomiata. Sige ta saulag hilo` aire sin kabales na estudio hafa sesso i asunto ni ta keke aregla. I resutta: mas disareglo ke areglo!<\/p>\n
Sige mona, mas megai manmapropone na lai gi hilo munton esta ha` bulacho na lai siha. Pinilota na ta aregla i problema, lao mas tana` mafabrika otro problema ke orihinat na intension areglo. Kada man-ma`aminasa hit, ta choneg otro tinilaika kulan tampen sinetnan. Era, kulan mohon ta sasatba i probleman tano`ta gi appruebasion mas lai osino tinilaika kontra i orihinat na lai ni ti problema gi primet lugat.<\/p>\n
Guaha `nai chumaleg maisayo` nu este siha na checho` taotaota. Lao, enfin buente lokue` ha chachage amano i si\u00f1a i los probes jumustifika i kontribusionta apas sueddon niha ginen i tax ni ta apapase kada 10 yan 15 dias. Chatmiyo fan nina` disgananao sa` dipotsihe este na chinatsaga patte gi papa` konsepton sisteman demokrasia na gobietno.<\/p>\n
Puede mohon i manma`gasta halie` hafa signifikasion leksion i ta pega todo i konfiansata gi un` kanastra–Japon. Talie` na yangin podu\u00f1g ekonomian Japon, todo i acho` ni ma\u00f1gilulog ginen hilo` ha hogsen papa` hit. Mangaige hit pago gi papa` manda\u00f1kulo siha na pidason padet `nai ta diseseha na u guaha matto pot para u reskata hit ginen este na chinatsaga.<\/p>\n
Gi katkuet manera, kulan manmafu\u00f1ot hit gi entalo` fotte na sagon Japon yan dedestrosia na planon gobietnon federat para u halom ya i displanta direchota gumobietnan maisa hit. Pot fabot, Chamorros yan Carolinas, maila` tafanacho ya ta defende un`rota komo sudadanon America. Mu\u00f1ga hit sumede na u tafan ma-estotba gi todo finachuchota umadelanta haanen famaguonta.<\/p>\n
Puti hinegsen higante, lao puti\u00f1a mafaga`ga` gi hilo` sensian diskriminasion ginen ayo siha na offisiat federat yan Depattamenton Interior i luma\u00f1gag dumisatentuye direchota komo sudadanon Amerikano. Ni taimano na atlibes niha nu i asunto, manpareho hit taotao, yan niha pat ti yan niha. Maila` tafan aguot kanai uno yan otro gi maprotehen direchon kada Chamorro yan Carolinas. Si Yuus Maase`!<\/p>\n","protected":false},"excerpt":{"rendered":"
Kada chatagmag, hu baba i internet ya hu tutuhon tumaita hafa siha manmasusesede gi entero elmundo, espesiatmente pot asunton ekonomian Japon. Rason na sesso hu estudia hafa kinalamteten\u00f1a Japon sa` memegai\u00f1a gi kinalamten bisnis osino ekonomia guine gi tano`ta ginen Japon.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-48207","post","type-post","status-publish","format-standard","hentry","category-local-news"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/48207","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=48207"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/48207\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=48207"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=48207"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=48207"}],"curies":[{"name":"wp","href":"https:\/\/api.w.org\/{rel}","templated":true}]}}