Talie` esta i resuttan sentimenton publiko guine gi mapos na Sabalo gi praimeren (primary) i pattidan republican.
\nbr
\nTodo i atmos banda mamaiche`cho, lao para todo i animo gi maseha hafa na kompitensia, uno ha` para u tacho gi uttimo besis. Gi este na pilea si Babauta-Benavente i ma-ayeg para offisiat na kandidaton republican gi eleksion gobietno para otro sakan.
\nbr
\nDini\u00f1go i Pepero-Kiyu ennao i 1,274 na botu. Inipos i PK giya Luta siento tantos, ginana i BB 41 botu giya Tinian, ha gana i BB na pilea iya Saipan. Pot todo, kanaha` dies mit manman-bota gi mapos na Sabalo.
\nbr
\nEstegue` i mina` dos biahe `nai i matatacho\u00f1g komo segundo gobietno ginana nu i kandidaton ginen hiyo\u00f1g. Dididi` namatman sa` pareho si Pepero yan Kiyu` hagas manganadot na kabayeros. Lao buente guaha na patte gi pago mamagpo` na sakudida `nai manlosgun.
\nbr
\nI Manglo\u00f1a giya Luta mapatten talo` i botu. Lao mas buente metgot\u00f1a pago i hebin na Ma\u00f1glo\u00f1a as Paul ke tihu\u00f1a Benjamin. Un` se\u00f1at na debi uma-estudiaye ni gumuiguife malago para offisinan mayot iya Luta. Lao ta polu este na asunto gi un` banda para pago.
\nbr
\nI namatman gi pago mafagpo` na praimere i silensio na tropan botadot ni fumu\u00f1ot sentimenton niha esta i uttimo ora. Bula lokue` empleao gobietno manhuyo\u00f1g para i BB na pilea. Gi mismo sakudida, i ma-a\u00f1go\u00f1gogho na supottasion ginen este siha na empleao, masge`.
\nbr
\nGuaha ma\u00f1gekuentos na buente un` sentimento na malago` i botadot tinilaika sa` megai hagas man-echochu` ya esta pago ti manmakokone`. Gi mismo tiempo, malagnos lokue` espanto kontra i manmachochochu` gi papa` kontrata (contracts) pot haye para umabota. Maseha hafa na eskuso pago u fan malagnos, ti umatulaika i resuttan i mapos na Sabalo.
\nbr
\nOran manlimienda pago, lao tinaka` este na eksisio tiempo para estake u mago\u00f1g i irida siha. Asunton haga` familia i gaige na attikulo, ayo mina` gai minakat na ensegidas para u guaha linimienda. Megai mankahaga` yan megai lokue` siempre diniskontento.
\nbr
\nI mas makat na chochu` i para u guaha satton na kinemprende yan knimimite ginen i dimalas na tropa.
\nbr
\nNamatman i para umapede si Pepero-Kiyu giya Luta lao ki\u00f1adon Kiyu` si Paul Manglona. Gi mismo tiempo hagas lokue` mauleg na kompaire yan amigo si Paul yan Babauta. Anog na mas pot amesta na mangana si Babauta-Benavente giya Luta.
\nbr
\nMegai ti man-magof nu i resutta, piot i mandimalas, lao i disision publiko esta monhayan ma-ekspressia huyo\u00f1g sin hafa na ditension. Oran manlimienda pago, otro attikulo na sumen makat.
\nbr
\n****
\nbr
\nPot Chaleg: Mafaisen un` prohimo para u falago para offisinan publiko. Man-oppe: “Ketu amigo, hombre este mamomokatyo` megai\u00f1a besis `nai matompu`yo`. Kuando menos `an malagoyo`. Adahe na bai` aka` hila`ho!”
\nbr
\n****
\nbr
\nDuro i dos taotao malago gi oriyan guma` taotao siha, dinidilalag nu i un` dadao galago. Matompu` gi kareran niha. Estaba un` prestan take` gi menan niha. Ileg\u00f1a i uno: “Pare, adahe sa` fanaan` take` este i menata.” Ineppe: “Pare, ta\u00f1a` fan kao magahet”. Dios miho!<\/p>\n
br
\niStrictly a personal view. John S. DelRosario Jr. is publisher of Saipan Tribune.<\/p>\n","protected":false},"excerpt":{"rendered":"
Talie` esta i resuttan sentimenton publiko guine gi mapos na Sabalo gi praimeren (primary) i pattidan republican.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-54497","post","type-post","status-publish","format-standard","hentry","category-local-news"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/54497","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=54497"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/54497\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=54497"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=54497"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=54497"}],"curies":[{"name":"wp","href":"https:\/\/api.w.org\/{rel}","templated":true}]}}