{"id":5735,"date":"2012-03-19T06:05:50","date_gmt":"2012-03-19T06:05:50","guid":{"rendered":"http:\/\/newspaper.ctsi-logistics.com\/?p=5735"},"modified":"2012-03-19T06:05:50","modified_gmt":"2012-03-19T06:05:50","slug":"mapuan-galaide-iya-marianas","status":"publish","type":"post","link":"https:\/\/www.saipantribune.com\/index.php\/mapuan-galaide-iya-marianas\/","title":{"rendered":"Mapuan galaide iya Marianas"},"content":{"rendered":"
By John S. DelRosario Jr.
\nContributing Author<\/div>\n

Namatman i linau, dilubiu, pagyu yan hinalom tasi (tsunami) gi linala\u2019 i tautau siha gi se\u00f1gso\u00f1g. Ya para todu i pinadese, sige ha\u2019 ma\u00f1garera i man-ma\u2019gasta kulan no siakassu.<\/p>\n

Kau hayun niha malipan maisa siha gi chagu\u2019 gi halom sumen makat na chubaskon lina\u2019la\u2019 kontra i tautau niha mismu? Kau propiu i para umafa\u2019 taya\u2019 i sumen seriousu na chinatsagan i tanu ginen hilu\u2019 aire? Na ti yangin manunog u fan mas hihot yan i pinadesen i tautau siha ni ha represesenta gi hegsu\u2019 i Deni? Hafa na mampos oppan i ma\u00f1an fanda\u00f1gu ke hai\u2019las?<\/p>\n

Yangin primet sustansian representasion gi publiku i mapegan interest i tautau giya monana, pues hagas taigue este na sensia gi halom man-ma\u2019gasta siha. Entre maleletke i asuntu kulan fugun manog sa\u2019 taya\u2019 si\u00f1a ma-offrese gi maneran satbasion probleman linahyan ya man-e\u2019ensinahyau para u fan hagu\u00f1g un\u2019 ratu. Ke lau ti in\u2019 atrebi hamyu inefresen ayudu para i publiku?<\/p>\n

Dispues de inna\u2019 rindondu oriyan apuya\u2019 miyu ginen i sueddu ni mafattu ginen inapasen mame tax, magahet na sumen taya\u2019 satton yan antau na ineppe si\u00f1a innae\u2019 i publiku pot satbasion lina\u2019la\u2019? Na ti lamayot patte hamyu muna\u2019 mas tailaye gi hilu\u2019 taya\u2019 bindan miyu gi alacha \u2019sino dos a\u00f1os na tiempu? Ma\u00f1gge confitmasion “biba” yangin ti in\u2019 sedi na u fali\u00f1gu gi hilu\u2019 munton dinage. Fan gai mamahlau sa\u2019 ti kaduduku i publiku!<\/p>\n

—<\/p>\n

Esta ti impachu i publiku lau fatigau lumie\u2019 na memegai\u00f1a besis ti in\u2019 ti\u00f1gu chochogue\u00f1a satton yan antau na che\u2019chu\u2019 linahyan. Si\u00f1a batbaru un\u2019 atrebi hau gi ti fafayimu. Lau ennau na sensian muron u fagpu\u2019 na eleksion. Naho\u00f1g na da\u00f1u esta in\u2019 pega gi matan publiku ya ni unu giya hame bachet, ta\u00f1ga \u2019sino udu. Siempre u oppan i sentimenton mame na biahe sin ditension ya tana\u2019 fagpu\u2019 gi presisu na tinilaika.<\/p>\n

—<\/p>\n

Este i kada ratu i man-ma\u2019gasta man-asablasus gi gaseta interisimu che\u2019chu\u2019 muron. Kulan estorian todu man-listu para u fan malag As Matuis, lau sige naya man-liliku\u2019 ma-aliligau i yabin kareta. Lau ni unu lumie\u2019 na hagas ha\u2019 i yabi gi saga\u00f1a (ignition). Buente bisiu i para u fan afaisen pot para umana\u2019 kalaskas sekus niha sin presisu. De dios mihu!<\/p>\n

—<\/p>\n

Ha faisenyu\u2019 amiguhu Magoo hafa na duru man-ku\u00f1kurahe i gobietnu yan presidenten i sanhilu\u2019 na guma pot dibin administrasion gi Fondun man-ritirau.<\/p>\n

Ineppe as Kindu: “Ti listu i gobietnu umembrasa responsablidat\u00f1a ya pinega gi saga\u00f1a \u2019nai finaisen nu i presidente para u tachu ya u famatinas antau yan satton na disision pot APAS dibi para i fondu”.<\/p>\n

Yangin esta ni hafa na atten politika tai mamauleg, pues propiu na u guaha disision ginen i magalahe kau para tafanai guiguine ha\u2019 pat guaha enfin ineppe \u2019nai si\u00f1a ha satba i linala\u2019 mas ke sais mit na man-ritirau.<\/p>\n

—<\/p>\n

I fumabobot casino ma\u00f1gekuentos gi mismu tiempu na u saga i tanu\u2019 man-indihinau gi halom natibu pot no u guaha mas aminasu gi kuttura yan tradisiont tanu\u2019. Ti umaya i man-sa\u00f1gan yan machochoneg ot casino. Mas tinilaika i modun linala\u2019 natibu guine ke hafa talie\u2019 deste antes. Man-mafa\u00f1agu mas problema para i tautau yan otru siha modun lina\u2019la\u2019 ni hagas estra\u00f1geheru para i natibu. Si\u00f1a in\u2019 rikonose posision miyu maseha para inna\u2019 konsiste pot primet biahe?<\/p>\n

—<\/p>\n

I finu\u2019 mimiyu kulan un\u2019 dilinkuente na saina ni sige ha sa\u00f1gane famaguo\u00f1a na mu\u00f1ga man-gimen maneska lau kada pue\u00f1ge ha u\u00f1gag-gue\u2019 estake togpu\u00f1g. Yangin mu\u00f1ga hau na u guaha mas aminasu gi kutturan natibu, pues huchum i pettan sanmena kosake hita ha\u2019 yan hita tafan a\u2019afana\u2019 diariu. Kontodu television yan gaseta siha u fan mahuchum fuetsau.<\/p>\n

—<\/p>\n

I publiku pumadedese todu bidan muron gi inadisgustun man-ma\u2019gas niha. Todu sumasa\u00f1gan na guiya i dinanche. Lau \u2019nai ta ebalua kabales, taya fitme na ineppe masa\u00f1gan fuera ke huegon politika pot para u fanlihe\u00f1g \u00f1aihon un\u2019 ratu mientras mahahassu hafa mauleg na dinage para u labla talu i publiku. Gi finu\u2019 un\u2019 saina, chadeg\u00f1a magacha\u2019 un\u2019 dakun ke un\u2019 ke\u2019yau. Hafa mohon?<\/p>\n

—<\/p>\n

Buente pot hinalom tiempun maipe na mampos diskalentau kontodu relasion man-ma\u2019gasta siha. Haye ha\u2019 un\u2019 atan fumofofu kulan torun agaga\u2019 gi halom pastahe. Estira pinasensian miyu ya in\u2019 atetuye satbasion asuntun linahyan siha. Innague\u2019 mina\u2019 man-manhula\u2019 hamyu guine gi alacha. A` Saina!<\/p>\n","protected":false},"excerpt":{"rendered":"

By John S. DelRosario Jr. Contributing Author Namatman i linau, dilubiu, pagyu yan hinalom tasi…<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-5735","post","type-post","status-publish","format-standard","hentry","category-opinion"],"_links":{"self":[{"href":"https:\/\/www.saipantribune.com\/index.php\/wp-json\/wp\/v2\/posts\/5735","targetHints":{"allow":["GET"]}}],"collection":[{"href":"https:\/\/www.saipantribune.com\/index.php\/wp-json\/wp\/v2\/posts"}],"about":[{"href":"https:\/\/www.saipantribune.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saipantribune.com\/index.php\/wp-json\/wp\/v2\/comments?post=5735"}],"version-history":[{"count":0,"href":"https:\/\/www.saipantribune.com\/index.php\/wp-json\/wp\/v2\/posts\/5735\/revisions"}],"wp:attachment":[{"href":"https:\/\/www.saipantribune.com\/index.php\/wp-json\/wp\/v2\/media?parent=5735"}],"wp:term":[{"taxonomy":"category","embeddable":true,"href":"https:\/\/www.saipantribune.com\/index.php\/wp-json\/wp\/v2\/categories?post=5735"},{"taxonomy":"post_tag","embeddable":true,"href":"https:\/\/www.saipantribune.com\/index.php\/wp-json\/wp\/v2\/tags?post=5735"}],"curies":[{"name":"wp","href":"https:\/\/api.w.org\/{rel}","templated":true}]}}