‘Na’fåmta I Hale’ta’

Buenas tåtdis para todudus hamyu pågu na bunitun ha’åni. Guåhu si Genzo Matua Gonzales ginen eskuelan tatkilu gi Kagman High School giya i sen gåtbu na Islan Sa’ipan. Man danña hit todu guini para ta’ diskuti yan silebra man håyi hit. Pågu bai hu prisenta i kuestionhu ya bai hu oppi, “Kåo prisisu i lingguåhimu?” gi hilu’ i tema, “Ta Fåta I Hinirensiå-ta.”

Para guåhu, sin håfa na dinida gof prisisu na ta edyak yan na diåriu kumuentus gi ila’ta o sino fino’ta sa’ kutturåmu i lingguåhimu ya yanggin ti un tungu pat ti un na’sesetbi i lingguåhi pues ti i kutturåmu ennåo. Esti i lingguåhi gof metgot sa’ ha reprisesenta håyi håo. Un nisisita para un tungu’ i kutturåmu yan lingguåhimu sa’ kumu ti un tungu’ yan ti un na’sesetbi diåriu gi diha pues taimanu para un banidosu, para un agradesi, yan un na’annuk osino fåtta i kutturåmu. Nisisåriu yan gof impontånti esti para un magof ni håyi håo yan i rasån kutturåmu.

With this piece, Genzo Matua Gonzales, a Kagman High School sophomore, won first place in a poetry contest on Rota.