Resuttan i praimeren Republican

Talie` esta i resuttan sentimenton publiko guine gi mapos na Sabalo gi praimeren (primary) i pattidan republican.
br
Todo i atmos banda mamaiche`cho, lao para todo i animo gi maseha hafa na kompitensia, uno ha` para u tacho gi uttimo besis. Gi este na pilea si Babauta-Benavente i ma-ayeg para offisiat na kandidaton republican gi eleksion gobietno para otro sakan.
br
Diniñgo i Pepero-Kiyu ennao i 1,274 na botu. Inipos i PK giya Luta siento tantos, ginana i BB 41 botu giya Tinian, ha gana i BB na pilea iya Saipan. Pot todo, kanaha` dies mit manman-bota gi mapos na Sabalo.
br
Estegue` i mina` dos biahe `nai i matatachoñg komo segundo gobietno ginana nu i kandidaton ginen hiyoñg. Dididi` namatman sa` pareho si Pepero yan Kiyu` hagas manganadot na kabayeros. Lao buente guaha na patte gi pago mamagpo` na sakudida `nai manlosgun.
br
I Mangloña giya Luta mapatten talo` i botu. Lao mas buente metgotña pago i hebin na Mañgloña as Paul ke tihuña Benjamin. Un` señat na debi uma-estudiaye ni gumuiguife malago para offisinan mayot iya Luta. Lao ta polu este na asunto gi un` banda para pago.
br
I namatman gi pago mafagpo` na praimere i silensio na tropan botadot ni fumuñot sentimenton niha esta i uttimo ora. Bula lokue` empleao gobietno manhuyoñg para i BB na pilea. Gi mismo sakudida, i ma-añgoñgogho na supottasion ginen este siha na empleao, masge`.
br
Guaha mañgekuentos na buente un` sentimento na malago` i botadot tinilaika sa` megai hagas man-echochu` ya esta pago ti manmakokone`. Gi mismo tiempo, malagnos lokue` espanto kontra i manmachochochu` gi papa` kontrata (contracts) pot haye para umabota. Maseha hafa na eskuso pago u fan malagnos, ti umatulaika i resuttan i mapos na Sabalo.
br
Oran manlimienda pago, lao tinaka` este na eksisio tiempo para estake u magoñg i irida siha. Asunton haga` familia i gaige na attikulo, ayo mina` gai minakat na ensegidas para u guaha linimienda. Megai mankahaga` yan megai lokue` siempre diniskontento.
br
I mas makat na chochu` i para u guaha satton na kinemprende yan knimimite ginen i dimalas na tropa.
br
Namatman i para umapede si Pepero-Kiyu giya Luta lao kiñadon Kiyu` si Paul Manglona. Gi mismo tiempo hagas lokue` mauleg na kompaire yan amigo si Paul yan Babauta. Anog na mas pot amesta na mangana si Babauta-Benavente giya Luta.
br
Megai ti man-magof nu i resutta, piot i mandimalas, lao i disision publiko esta monhayan ma-ekspressia huyoñg sin hafa na ditension. Oran manlimienda pago, otro attikulo na sumen makat.
br
****
br
Pot Chaleg: Mafaisen un` prohimo para u falago para offisinan publiko. Man-oppe: “Ketu amigo, hombre este mamomokatyo` megaiña besis `nai matompu`yo`. Kuando menos `an malagoyo`. Adahe na bai` aka` hila`ho!”
br
****
br
Duro i dos taotao malago gi oriyan guma` taotao siha, dinidilalag nu i un` dadao galago. Matompu` gi kareran niha. Estaba un` prestan take` gi menan niha. Ilegña i uno: “Pare, adahe sa` fanaan` take` este i menata.” Ineppe: “Pare, taña` fan kao magahet”. Dios miho!

br
iStrictly a personal view. John S. DelRosario Jr. is publisher of Saipan Tribune.