November 16, 2026

Probleman Pottanmoneda

Ti namatman i masusede gi entalo` dos guma` lehislatura `nai ti siña umakonfotma hafa na attikulo siha debi u fan maprebeniye fondu para pago na sakan.

Asunto: Ti siña i dos guma` lehislatura uma-konfotma pot pottanmonedan Marianas.

Opiñion: Esta este na chinatsaga kalan i cha`guan gi hiyoñg dos kuetpon guma` lehislatura.

Ti namatman i masusede gi entalo` dos guma` lehislatura `nai ti siña umakonfotma hafa na attikulo siha debi u fan maprebeniye fondu para pago na sakan.

Umafagcha` i konsiderasion pottanmonedan publiko yan i eleksion pago na sakan. Komprendiyon i dinisehan membron lehislatura: Ni uno malago` bimirague` tatte yan “F” gi halom repotkatña. Kumeke ilegña na mas lagse` i finaisen konfiansa yangin guaha fitme siña ha presenta gi botadot.

Lao umatotpe este na diniseha yan i dañkulo na poduñg rinikohen kontribusion para i pottanmonedan iya Marianas. I dañkulo na pan ni hagas ta dispeddidisia puro ha` pago poñgpuñg yan grano gi hilo` satge. Sige ta rikohe ennao siha na poñgpuñg pot para tana` nahuñge nesessidatta siha.

Enfin, ti megai ta soda` gi hilo` satge. Dimas mohon de ta rihohe ya ta famauleg antes, sige ta gacha` ñaihon gi hilo` satge ni mimadog. `Nai ta bira hit para ta rikonose, memegaiña esta `antiges osino kinano` nu i edot.

Gi hilo` este, esta pago gagaige ha` ayo na atetu i mañan picnic osino fiesta. Yangin magahet este, pues mauleg i man-sabio siha gi lehislatura u faisen maisa siha kao esta empas i kuentata gi `nos kuantos hospitat giya Honolulu?

Yangin kontodo fondun scholarship (para i man-gaige man-eskuekuela guine tana` para) ke pot hafa motibo na esta pago sige ha` infatta i sensian muron kalan gai mina laña iya Marianas? Estegue` na mattiro i infafana` `nai siempre debi fuetsao unna` setbe antao na hinasso siha pot para u maprebeniye i mas man-presiso siha na programa tat komo edukasion, hinemlo` yan pas gi komunidat Marianas.

Ti mapot este makomprende ya kontodo i botadot ha komprende hafa na estao `nai man-gaige hit `nai mampos flohu i rinikohen fondu para i nesessidatta siha. Fan e`gaga` ya inna` setbe i sensian menhalom na kabayero gi ta fafana` na chinatsaga siha. Si Yuus Maase`!

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.