Otdinariu na konbetsasion

Asolas, hu asimula asunto-ta siha ni man-basnak gi chatdisposision man-sabiun I Deni gi linala` i linahyan. Komprendiyun yangin enfin man-animu umatetuye asuntu siha para uma-adelanta monedan familia.

Lau betsan niha finenina mana potput 80 pot sientu mientras matira pidasun to`lañg gi pumalu siha na empleau. Seru para i mangaige gi praibet. Dios mihu na che`chu` kabron.

Siñku pot sientu `nai guaha planun para umahatsa apas hospitat 56-100 mas pot sientu? Kau magahet na ti in`li`e i destrosiu gi kada familia guine na che`chu` kabron? Kau ayu ha` in`lili`e i betsan miyu na esta lache i kuentas: manadaña` 100 yan 5 humuyuñg 80?

Gi tiempun eskases mauleg tafan humiddi umutot ti man-presisu siha na gastu. Pot ihemplo, haf` na mampos fatsu para umaribahan dos guma` lehislatura papa` gi unu? Magahet na 29 na membro presisu gi konsiderasion fotmat yan sustansiau na priniponen lai? Kuantu gi halum i 29 man-eskuela lai pat man-magradua gi koleho?

Kuanto na empleau gobietnu guaha pa`gu? Man-malefa hamyu na i publiku umapapase sueddun ennau siha na empleau ginen kontribusion aduana (tax)? Guaha mohon konsiderasion miyu ya in` limitte gi manu ha` presisu na empleau? Tatnai mattu gi hinasson miyu ya in` tiñgu` lokue` umusa i kontribusion mame aduana?

Dispues, taya` in` chegue mauleg para in` adelanta fuetsan familia mamahan nesessidat siha. Mas ke 20 años na tiempu gatdun gi halum mutuñg na sadog miserapble `nai in` pega i linahyan.

Empleau: I empleau bisnis i mas man-namase` pot ni hafa na hatsada guaha para siha. Lau ni unu soplu mahala apas tax. Kastigu para siha i sumen taya` kampun alibiu maseha para u fan haguñg ñaihon. Man-mafogse` sinparat aduana (tax) kulan ta kastitiga pot para ta premiu i man-dilinkuente na empleau gobietnu siha. Dios mihu!

Kinententu: Gi kada finattun ha`anen gupot siha, mesklau na sentimentu bumalulutan-yu`. Enfin, i mensahen Noche Buena ha dispacha todu chathinasog-hu ya ha pega gi kinententu yan magof na fasun felisitasion.

Ti deskribiyun i sumen namagof na siñienteta `nai ta prepara hit para selebrasion Noche Buena—i mafañagun i Niño. Desde misan gayu esta i lamasan amotsa todu man-magof. Gaige lokue` metgot na mañglu` tiempun Noche Buena gi aire. Magahet na tai achaigua na siñienten magof bumobohau i tautau siha.

Adelantu: Yangin guaha adelantun ekonomia haf` na taigue ennau gi sueddun i empleau siha? Lastima i annunsiun adelantu ginen as Biktot Hokog ni sen ti mattu guatu gi fuetsan monedan familia. Kase tiha repara na ti apostan gayera i ha fafana`. Lehitimu asuntun linahyan!

Birada: Sige huyuñg anunsiun haye man-kandidadatu. Ti namatman na maresibe kulan guinaifen maipe na mañglo`. Hu asimula na kase man-o`sun i tautau manadan dinage piot sa` mas makat i kinalamten familia.

Lau un` ratutuha` mahatsa sueddun niha 80 pot sientu! Madagau `ñaihon un` to`lañg para u tinane` publiku mientras ha bobotsa i nuebu na sueddu ni mas ke $31,600 na hatsada gi un` sigidu.

Ti todu u bira siha halum gi puestun niha. Estague` `nai matutuhun pisadiyan talo`ane pot ti u fan mañoda` $71,000 na sueddu gi sakan taimanu pa`gu. Piot ya tinahuñg edukasion kolehu yan professionat na ekspirensia, gupot! Mattu i tiempu `nai debi tahatsa kualifikasion para offisiun publiku. I che`chu` seriosu. Pot areglon linahyan `nai debi un` lagse gi hilu` fitme na pisun edukasion kolehu yan ekspirensia.

I para un` chansa sin fitme na kualifikasion gi papa` sinturon-mu kulan che`chu` kabron yan muron. Ha mirese i publiku primera na representante!

Greed: A scheme is reportedly in the works to ensure control of Tinian politics while simultaneously ignoring the importance of upholding the mandate of the people.

The rumor that Mayor JP may resign in January has reportedly prompted Sen. Francisco M. Borja to introduce legislation that would grant the governor authority to appoint a person in his place. It would do away with the ascendancy provision of the current law.

It may look clever but it ignores the mandate of the people in the election of their public officials. The ascendancy provision would grant former mayor Ray Dela Cruz the opportunity to fill the vacancy. This is reportedly giving Borja nightmares over the loss of political control of leadership.

Isn’t it true that a government’s moral legitimacy comes from the “consent of the governed?” Is it difficult understanding that the transfer of the will of the people to a single person is a violation of their consent? Why pre-empt what’s rightfully the purview of “we the people”? Did you secure their consent, sir? Shouldn’t you learn to enshrine the “consent of the governed” in this and other cases too? Why trash their sentiment? Did you do anything to restore their confidence on the economic front? Or were you snoozing to screw them again like your impending legislation?

It’s basic civics course to honor the “consent of the governed” and not “me, myself and I.” Changing the laws on succession would only trumpet your suspect comprehension of the essence of a “government of the people, by the people and for the people.” No mas!

John S. Del Rosario Jr. | Contributing Author
John DelRosario Jr. is a former publisher of the Saipan Tribune and a former secretary of the Department of Public Lands.

Related Posts

Disclaimer: Comments are moderated. They will not appear immediately or even on the same day. Comments should be related to the topic. Off-topic comments would be deleted. Profanities are not allowed. Comments that are potentially libelous, inflammatory, or slanderous would be deleted.