Previous Story
Pottanmonedan Familia
|
Posted on Feb 15 2001
I Asunto: `Nai sulon i pisun ekonomia; lao kao mangaige hit esta gi fondu?
I Opiñion: Obligao na u guaha satton na inadahe gi pottanmonedan familia.
Ayo na gaseta i maribahan fondun iya Marianas poko mas o`menos $122 Miyon pesos sumen na`chatsaga sa` klaro na i kontribusion tax para uson setbision publiko mampos kohu.
Yangin mohon siña ta predikta i futturo pot para ta lie` hafa mamamaila`. Lao i presente ginen i man-malofan na tiempo siha. Pot este na rason na imposible ta lie` i karerata mona gi halom un` didog na rimulino.
Komprendiyon i chinatsagata pago. Lao ti presiso na u fatto papa` guihe na eskalera `nai pot diskuiduta mas ta abiba chafleg na pinadese siha. Kumeke ilegña na todo i un` masahalume na ginanamo para i pottanmonedan familia, obligao na un` satton umadahe estake kalan kayada i tiempo.
Mapredidikta na u sulon i ekonomian iya Estados Unidos de America. Olara mohon ya ti u aminasa i finacho`chu` Japon gi alacha siha pot para u aregla tatte i basnag na ekonomiaña gi uttimon nobienta siha na sakan. Ta tuñgo` ha` hafa kumeke ilegña pot hinemlo` ekonomian iya Marianas:
`Nai mañom Japon, libiano ta padese lo`lu` sien dias na sago. Ta diseseha fehman na ti u inaminasa Japon nu i sulon ekonomian iya America. Kontodo Japon ha pupulan este na asunto pot para u katsu-gue` pot siakasso na masusede.
Medio patte gi ta padedese pago `nos pot ginen hiyoñg na aminasu siha. Ginen halom mismo. Man-tinane` hit nu sopas kaddon to`lañg `nai debi mohon ta dobla mañgas chininata sa` oran mañufa` gi todo patte `nai man-diskuidao hit. Puede guaha kampo para ta aksepta na man-diskuidao hit ya tana` metgot mas detetminasionta pumetsige para minauleg hinerat.
I para ta aregla haanita, gaige este giya hita mismo. Maila` ta fan apipet ya ta aregla halom gima`ta, pago. Si Yuus Maase` yan ghilisow!
