Previous Story
Machalapon Amot Bineno
|
Posted on Mar 27 2001
I Asunto: Akusu ginen un` testigo na ha bende un` polisia amot bineno gi alacha siha na tiempo.
I Opiñion: Ha mirese na umahusga este na akusu nu i un` independente na abugao.
`Nai makonbikta un` kometsiante gi mapos na semana pot manfabrikan yan manbenden amot bineno (shabu), kumuentos un` testigo na ginen un` tiempo hanae`un` polisia nu i mismo attikulo.
I polisia mamueba ginen i offisiat na puestoña pot para umahusga amanominagahetña i akusu. Ilelegña i prohimo na tatnai umalie` siha yan i petsona ni umakukusa-gue` pot amot bineno.
Sumen presiso na umahusga independente este na asunto pot para uma-asegura na ma-establese fotmat i magahet. Yangin man-dage i akusu,
pues umanae` tatte i offisiat polisia nu i offisioña. Yangin guaha mente na gai minagahet i akusu, pues debi umapega guato gi kotte pot para umasatba dibuenamente.
Hana` fan man-hahasso hit ayo na akusu pot uson este na amot gi offisinan publiko siha. Buente mauleg yangin guaha makondukta propio riseta pot para ta tuñgo amano chiña este na chetnot gi halom empleao gobietno.
I punto gi este na riseta `nos pot para u fan makondena i los prohimos, lao para ta ataha i problema antes de ti satbayon. I masoda` umu`usda este na amot bineno, umanae` appottunidat chumule` programa pot para una` gasga sistemaña osino umana` para ginen i che`cho`ña.
In` hasso `nai guaha siha empleao CUC man-masoda` umu`usa este na amot? Guaha rumesigna siha ensegidas mientras i pumalo man-mafaisen para u fañaonao man-ma-akonseha osino fana` i ginagagao na disision. I punto: Sumen presiso na ta ayuda i umu`usa este na amot antes de u fan inaminasa osino destrosia futuron niha mismo.
I umeluluye mafabrikan yan mabenden este na bineno sumen presiso lokue` na u fan makone` halom gi kotte `nai u guaha propio disposision pot kinentra gi lai. Maila` ta fan daña gi masatban este na chinatsaga kosake menos destrosion yan mayamag manhoben yan familia siha. Si Yuus Maase`!
