Previous Story
Chule` i primet pasu
|
Posted on Mar 22 2001
I Asunto: Programan adelanto para i natibo gi katkuet bokasion gi Northern Marianas College.
I Opiñion: Bintaha para maseha haye ni umusune umeyag osino umadelanta offisioña.
Esta monhayan un` biahe in` mente pot mas fitme na programa ni iniluluye nu i Northern Marianas College pot mahayon (training) para i natibo siha gi offision niha.
Este na programa mas siempre guaha fotmat na pasu siha `nai siña todo man-interesante mañaonao pot para u adelanta siha gi che`cho` niha. Pot fabot, taya` pago mas presiso i para in` fañaonao guine na programa gigon mababa.
Gi karera mona, sumen na`banidosu para i chumule` bintaha sa` siempre mas fitme kualifikasioña yan tiniñgo`ña gi bandan che`cho`ña. Ni haye ya u fatto, siempre listo i taotaota umatrebi siha chumo`gue hafa i ginagagao sa` fitme man-mahayon niha ni esta gaige gi papa` sinturon niha.
Achogha` i offisio pot checho` makenaria gi katkuet manera, sumasaonao uson computer tat komo marisetan makina para umasoda` chadeg hafa sesso i problema. Gi katkuet offisio, debi i fafacho`chu` de hu tuñgo`manaitai yan mañgge`. Yangin kapas i taotao gi todo atmos nesessidat pot offisioña, libiano masubre yan manae` checho` manehante sa` kapas gi offisioña.
Este siha na ineyag siempre u saonao gi todo fina` programa pot adelanton bokasion gi taotao tano`. Ti mapot sa` guaha siha siempre maestro yan maestra para un` finanue` mona hafa debi un` eyag gi bandan mafananaan` “basics” tat komo mañgge` fino English yan Kuentas.
Solu uno ha` ha nessesita este na programa: Hago nu i empleao! Taya` hogsu` mafefedos yangin ti un` suhon mona i primet pasu. Chogue este pot para un` adelantan maisa hao yan entero i komunidat iya Marianas. Si Yuus Maase` yan Ghilisow!
