Previous Story
Sopas Pasifiko
|
Posted on Apr 03 2001
I Asunton: Mas megai kandidaton para gobietno ke mano na patte gi estorian iya Marianas.
I Opiñion: Megai mumalague` i tronu, lao uno ha` para u tacho gi uttimo besis pago na sakan.
Kada sina`gue` tase (afno yan ma`ti) guaha dumeklara-gue` offisiatmente na sumaonao gi tropan estrakadan politika para i mas tatkilo` na puesto para pago na sakan eleksion.
Hafa na huegon halom tase gi kada kahulo` i napu. Guaha `nai anog gi chago` un` prohimo, los dimas todo man-nanañgo gi hilo` yan halom kurente para u asegura na ti man-matmos.
Gaige i publiko hinerat gi pantalan ha e-ega` haye paire munañgo. Debi i mangaige gi halom napu u fan figu`, mauleg na nanañgo, yan mesñgon tumatiye katkuet pañgpañg napu.
I publiko ti umadage haye gi halom i man-gaige gi halom tase i dipotsihe nanañgo ya siña ha akude, sin ditension i munesessita ayudo halom gi tano`.
Guaha mama`yao ya kada rato dumeskansa. Guaha kadu` metgot munañgo. Guaha ha` lokue` ayo i ti kumomprende hafa na gaige-gue` gi halom tase. Este i uttimo man-na`mase` na batkada.
Lao siempre u anog gi minachom` atdao haye i dipotsihe kapas na nanañgo. Guaha siempre u fan dimalas gi este na karera. Guaha u fan iridao sa` ha atrebi siha gi ti fafayen niha. Uno ha` para u fan akude `nai todos man-yayas sa` hagas man-nañgo deste kinahulo` atdao.
I fumatinas este na estrakada siempre umanae` nu i publiko nu i ha fachuchue` na tronu. Ennao na tronu `nai par au fata`choñg pot para u fan manda taimano chochogueña i man-teug` siha na asunton linahyan ni fumafana` i natibo guine siha ha islas.
Atetuye i asunto, ekuñgog hafa i ha sasañgan i kandidato, ahe` ti taimano sasañganña. Ayo ha` para u tacho i siña hana` komprende i publiko hafa i asunto yan hafa na satbasion guaha para benefision todos. Si Yuus Maase` yan ghilisow!
